Jambyl oblysynda Ūly Abaidyŋ tuǧan künıne orai kolledj studentterı arasynda «Abai sözı – ädıldık temırqazyǧy» taqyrybynda oblystyq chellendj ūiymdastyryldy.
Is-şara 2026 jylǧa arnalǧan «Zaŋ men Tärtıp» ideologemasyn ılgerıletu jönındegı öŋırlık jobalyq ofistıŋ ıs-şaralar josparynyŋ 45-tarmaǧyna säikes 17–20 tamyz aralyǧynda ötkızıldı.
Chellendjdıŋ basty maqsaty – jastar arasynda Abai Qūnanbaiūlynyŋ ruhani mūrasyn keŋınen nasihattau, aqyn şyǧarmalaryndaǧy ädıldık, adaldyq, ar-ūiat, bılım men eŋbek qūndylyqtaryn därıpteu jäne studentterdıŋ azamattyq jauapkerşılıgın arttyru.
Oblystyq chellendjge Jambyl oblysynyŋ tehnikalyq jäne käsıptık bılım beru ūiymdarynyŋ studentterı men pedagogterı belsendı qatysty. Qatysuşylar Abaidyŋ qara sözderı men öleŋderınen ädıldık, adamgerşılık, bılım, eŋbek jäne jauapkerşılık taqyryptaryndaǧy üzındılerdı mänerlep oqyp, olardyŋ tärbielık mänın şyǧarmaşylyq formatta jetkızdı.
Chellendj aiasynda kolledjder daiyndaǧan beinematerialdar bılım beru ūiymdarynyŋ resmi äleumettık jelıdegı paraqşalarynda jariialanyp, arnaiy heştegter arqyly keŋınen taratyldy.
Sonymen qatar, Abai atyndaǧy Jambyl gumanitarlyq joǧary kolledjınıŋ bazasynda pedagogter arasynda Ūly Abaidyŋ ömırı men şyǧarmaşylyǧyna arnalǧan intellektualdy oiyn ūiymdastyryldy. Qatysuşylar aqynnyŋ ömır joly, şyǧarmalary, qara sözderı men ruhani mūrasyna qatysty sūraqtarǧa jauap berıp, bılımderın ortaǧa saldy.
Atalǧan ıs-şaralar Abai mūrasyndaǧy ädıldık pen adamgerşılık qaǧidattaryn jas ūrpaqtyŋ boiyna sıŋıruge, ūlttyq qūndylyqtardy därıpteuge jäne ūly oişyldyŋ taǧylymyn bılım beru ortasynda keŋınen nasihattauǧa baǧyttaldy.
Abaidyŋ «tolyq adam» tūjyrymdamasy men adamgerşılıkke ündeitın ösietterı bügıngı jastar üşın de özektılıgın joǧaltqan joq. Osy baǧyttaǧy tärbielık ıs-şaralar öskeleŋ ūrpaqtyŋ boiynda adaldyq, jauapkerşılık, eŋbekqorlyq jäne ädıldık qasietterın qalyptastyruǧa yqpal etedı.
«Abai sözı – ädıldık temırqazyǧy»: kolledj studentterı arasynda oblystyq chellendj öttı
21.08.2026
269
Ūqsas jaŋalyqtar
Pıkırler
