«اباي ءسوزى – ادىلدىك تەمىرقازىعى»: كوللەدج ستۋدەنتتەرى اراسىندا وبلىستىق چەللەندج ءوتتى

جامبىل وبلىسىندا ۇلى ابايدىڭ تۋعان كۇنىنە وراي كوللەدج ستۋدەنتتەرى اراسىندا «اباي ءسوزى – ادىلدىك تەمىرقازىعى» تاقىرىبىندا وبلىستىق چەللەندج ۇيىمداستىرىلدى.
 
ءىس-شارا 2026 جىلعا ارنالعان «زاڭ مەن ءتارتىپ» يدەولوگەماسىن ىلگەرىلەتۋ جونىندەگى وڭىرلىك جوبالىق ءوفيستىڭ ءىس-شارالار جوسپارىنىڭ 45-تارماعىنا سايكەس 17–20 تامىز ارالىعىندا وتكىزىلدى.
 
چەللەندجدىڭ باستى ماقساتى – جاستار اراسىندا اباي قۇنانبايۇلىنىڭ رۋحاني مۇراسىن كەڭىنەن ناسيحاتتاۋ، اقىن شىعارمالارىنداعى ادىلدىك، ادالدىق، ار-ۇيات، ءبىلىم مەن ەڭبەك قۇندىلىقتارىن دارىپتەۋ جانە ستۋدەنتتەردىڭ ازاماتتىق جاۋاپكەرشىلىگىن ارتتىرۋ.
 
وبلىستىق چەللەندجگە جامبىل وبلىسىنىڭ تەحنيكالىق جانە كاسىپتىك ءبىلىم بەرۋ ۇيىمدارىنىڭ ستۋدەنتتەرى مەن پەداگوگتەرى بەلسەندى قاتىستى. قاتىسۋشىلار ابايدىڭ قارا سوزدەرى مەن ولەڭدەرىنەن ادىلدىك، ادامگەرشىلىك، ءبىلىم، ەڭبەك جانە جاۋاپكەرشىلىك تاقىرىپتارىنداعى ۇزىندىلەردى مانەرلەپ وقىپ، ولاردىڭ تاربيەلىك ءمانىن شىعارماشىلىق فورماتتا جەتكىزدى.
 
چەللەندج اياسىندا كوللەدجدەر دايىنداعان بەينەماتەريالدار ءبىلىم بەرۋ ۇيىمدارىنىڭ رەسمي الەۋمەتتىك جەلىدەگى پاراقشالارىندا جاريالانىپ، ارنايى حەشتەگتەر ارقىلى كەڭىنەن تاراتىلدى.
 
سونىمەن قاتار، اباي اتىنداعى جامبىل گۋمانيتارلىق جوعارى كوللەدجىنىڭ بازاسىندا پەداگوگتەر اراسىندا ۇلى ابايدىڭ ءومىرى مەن شىعارماشىلىعىنا ارنالعان ينتەللەكتۋالدى ويىن ۇيىمداستىرىلدى. قاتىسۋشىلار اقىننىڭ ءومىر جولى، شىعارمالارى، قارا سوزدەرى مەن رۋحاني مۇراسىنا قاتىستى سۇراقتارعا جاۋاپ بەرىپ، بىلىمدەرىن ورتاعا سالدى.
 
اتالعان ءىس-شارالار اباي مۇراسىنداعى ادىلدىك پەن ادامگەرشىلىك قاعيداتتارىن جاس ۇرپاقتىڭ بويىنا سىڭىرۋگە، ۇلتتىق قۇندىلىقتاردى دارىپتەۋگە جانە ۇلى ويشىلدىڭ تاعىلىمىن ءبىلىم بەرۋ ورتاسىندا كەڭىنەن ناسيحاتتاۋعا باعىتتالدى.
 
ابايدىڭ «تولىق ادام» تۇجىرىمداماسى مەن ادامگەرشىلىككە ۇندەيتىن وسيەتتەرى بۇگىنگى جاستار ءۇشىن دە وزەكتىلىگىن جوعالتقان جوق. وسى باعىتتاعى تاربيەلىك ءىس-شارالار وسكەلەڭ ۇرپاقتىڭ بويىندا ادالدىق، جاۋاپكەرشىلىك، ەڭبەكقورلىق جانە ادىلدىك قاسيەتتەرىن قالىپتاستىرۋعا ىقپال ەتەدى.