جامبىل وبلىسى اكىمىنىڭ ورىنباسارى سەرىك سالەموۆ شۋ اۋدانىنا ارنايى جۇمىس ساپارىمەن بارىپ، الەۋمەتتىك نىسانداردىڭ جاي-كۇيىمەن تانىسىپ، ءوندىرىس ورىندارىنىڭ باسشىلارىمەن كەزدەستى. ساپار بارىسىندا قوعامدىق-ساياسي تۇراقتىلىقتى ساقتاۋ، ءبىلىم بەرۋ نىساندارىنىڭ جاعدايى، ءوندىرىس سالاسىن دامىتۋ جانە ەڭبەك قاۋىپسىزدىگى ماسەلەلەرى كۇن تارتىبىنە شىعارىلدى.
جۇمىس ساپارى الدىمەن اۋدان اكىمدىگىندە زيالى قاۋىم وكىلدەرىمەن وتكەن كەزدەسۋدەن باستالدى. باسقوسۋدا وڭىردەگى قوعامدىق-ساياسي احۋال، قوعامداعى تۇراقتىلىقتى ساقتاۋ باعىتىندا اتقارىلىپ جاتقان جۇمىستار، مەملەكەت باسشىسى ايقىنداعان «زاڭ مەن ءتارتىپ» قاعيداتىن جۇزەگە اسىرۋ ماسەلەلەرى جان-جاقتى تالقىلاندى. كەزدەسۋگە قاتىسۋشىلار ءوڭىردىڭ تۇراقتى دامۋى ءۇشىن قوعامدىق كەلىسىم مەن بىرلىكتىڭ ماڭىزدىلىعىنا توقتالىپ، ءوز ۇسىنىس-پىكىرلەرىن ورتاعا سالدى.
ودان كەيىن وبلىس اكىمىنىڭ ورىنباسارى كۇردەلى جوندەۋدەن ءوتىپ جاتقان مويىنقۇم ورتا مەكتەبىنە بارىپ، قۇرىلىس جۇمىستارىنىڭ بارىسىن زەردەلەدى. قازىرگى تاڭدا جوندەۋ جۇمىستارىنىڭ شامامەن 60 پايىزى ورىندالعان. نىساندا مەردىگەر ۇيىم وكىلدەرىنە قۇرىلىس ساپاسىن قاتاڭ باقىلاۋدا ۇستاپ، جۇمىستى بەلگىلەنگەن مەرزىمدە اياقتاۋ قاجەتتىگى ەسكەرتىلدى.
جۇمىس ساپارى اياسىندا شۋ قالاسىنداعى 30 ورىندىق «العا» باستاۋىش مەكتەبىنىڭ دە ماسەلەسى نازاردان تىس قالمادى. سوڭعى جىلدارى ءبىلىم الۋشىلار سانىنىڭ ارتۋىنا بايلانىستى تۇرعىندار تاراپىنان جاڭا ءبىلىم بەرۋ نىسانىن سالۋ تۋرالى ۇسىنىستار ايتىلىپ كەلەدى. وسىعان بايلانىستى اۋدان اكىمدىگىنە ماسەلەنى جان-جاقتى زەردەلەپ، ناقتى ۇسىنىستار ازىرلەۋ تاپسىرىلدى.
بۇدان كەيىن «Shengtai Biotech LTD. Fufeng Group» جشس جۇگەرى وڭدەۋ زاۋىتىندا كاسىپورىن باسشىلىعىمەن كەزدەسۋ ءوتتى. كەزدەسۋ بارىسىندا جەرگىلىكتى كاسىپكەرلەرمەن ءوزارا ارىپتەستىكتى نىعايتۋ، وڭىردەگى كوللەدجدەر مەن جوعارى وقۋ ورىندارىن تامامداعان مامانداردى جۇمىسقا تارتۋ، ەڭبەك قاۋىپسىزدىگىن قامتاماسىز ەتۋ جانە وندىرىستەگى الەۋمەتتىك جاۋاپكەرشىلىكتى ارتتىرۋ ماسەلەلەرى ءسوز بولدى.
جۇمىس ساپارىنىڭ قورىتىندىسىندا سەرىك سالەموۆ «Jibek Joly» ارنايى ەكونوميكالىق ايماعىنا بارىپ، ونداعى ءوندىرىس ورىندارىنىڭ قىزمەتىمەن جانە جۇمىسشىلارعا جاسالعان ەڭبەك جاعدايىمەن تانىستى.
جۇمىس ساپارى بارىسىندا كوتەرىلگەن ماسەلەلەردىڭ بارلىعى باقىلاۋعا الىنىپ، جاۋاپتى مەكەمەلەرگە ناقتى تاپسىرمالار بەرىلدى. وڭىردەگى الەۋمەتتىك نىسانداردىڭ ساپالى جۇمىس ىستەۋى، ءوندىرىستىڭ تۇراقتى دامۋى جانە قوعامدىق تۇراقتىلىقتى ساقتاۋ باعىتىنداعى جۇمىستار الداعى ۋاقىتتا دا جۇيەلى تۇردە جالعاساتىن بولادى.
