جامبىل وبلىسى اكىمدىگىنىڭ ءبىلىم باسقارماسىنىڭ ء«مولدىر بۇلاق» وبلىستىق وقۋ-ساۋىقتىرۋ ورتالىعىندا ۇلتتىق دومبىرا كۇنىنە وراي «عاسىرلار ءۇنى –دومبىرا» اتتى مەرەكەلىك كونتسەرت ۇيىمداستىرىلدى.
ءىس-شارانىڭ ماقساتى – ۇلتتىق ونەردى ۇلىقتاۋ، دومبىرانىڭ رۋحاني قۇندىلىعىن دارىپتەۋ، جاس ۇرپاقتىڭ ۇلتتىق مادەنيەتكە دەگەن قىزىعۋشىلىعىن ارتتىرۋ جانە حالقىمىزدىڭ كۇي ونەرىن كەڭىنەن ناسيحاتتاۋ.
مەرەكەلىك كونتسەرتتى ءايليننىڭ ورىنداۋىنداعى «سامالتاۋ» ءانى اشىپ، كورەرمەندەرگە ەرەكشە اسەر سىيلادى. باعدارلاما بارىسىندا «قارا جورعا» ۇلتتىق ءبيى ورىندالىپ، قازاق حالقىنىڭ باي مادەنيەتى مەن سالت-ءداستۇرى دارىپتەلدى.
ورتالىقتىڭ مۇعالىمدەرى كاراساەۆ نۇربەك پەن ابدىعازيز عابيت ورىنداعان «كۇيلەردەن پوپۋرري» كورەرمەندەردىڭ ىستىق ىقىلاسىنا بولەنسە، قارابەك ەراسىل «دومبىرانىڭ شىعۋ تاريحى» تۋرالى اڭىزدى اسەرلى جەتكىزىپ، دومبىرانىڭ شىعۋ توركىنى جايلى تاعىلىمدى مالىمەت ۇسىندى. سونداي-اق كۇي وركەسترىنىڭ ورىنداۋىنداعى شىعارمالار مەن ءايليننىڭ اۋەلەتە شىرقاعان «دايديداۋ» ءانى كونتسەرتتىڭ كوركىن اشا ءتۇستى.
ءىس-شارا اياسىندا ۇيىمداستىرىلعان «Dombyra-Quiz» تانىمدىق ويىنىنا كورەرمەندەر بەلسەنە قاتىسىپ، قازاقتىڭ كۇي ونەرى مەن ۇلتتىق مۇراسىنا قاتىستى بىلىمدەرىن سىنادى. سونىمەن قاتار قازاق قىزدارىنىڭ ۇلتتىق ءبيى كورەرمەندەردىڭ ىستىق ىقىلاسىنا يە بولدى.
كونتسەرتتىڭ شارىقتاۋ شەگى ونەرپازداردىڭ ورىنداۋىنداعى «دومبىرا» كۇيىمەن تۇيىندەلىپ، مەرەكەلىك كەش اسەرلى نوتامەن اياقتالدى.
ۇلتتىق دومبىرا كۇنىنە ارنالعان بۇل تاعىلىمدى ءىس-شارا ۇلتتىق قۇندىلىقتاردى ناسيحاتتاپ، قاتىسۋشىلاردىڭ رۋحاني دۇنيەسىن بايىتىپ، حالقىمىزدىڭ ءتول ونەرىنە دەگەن قۇرمەتىن ارتتىرا ءتۇستى.
