باتىس قازاقستان وبلىسىندا ينجەنەرلىك ينفراقۇرىلىمدى جاڭعىرتۋ جونىندەگى پرەزيدەنت تاپسىرمالارى جۇيەلى ورىندالىپ كەلەدى. كەيىنگى 3 جىلدا سۋ بۇرۋ جۇيەسىنىڭ ۇزدىكسىز قىزمەتىن ۇيىمداستىرۋ ماقساتىندا ناقتى ىستەر اتقارىلدى.
ماسەلەن، بۇگىن 150 مىڭ تۇتىنۋشىنى قامتيتىن №18ا كارىز-سورعى ستانساسى قايتا جاڭعىرتۋدان سوڭ ىسكە قوسىلدى. سالتاناتتى راسىمگە ايماق باسشىسى ناريمان تورەعاليەۆ قاتىستى.
2023 جىلى جاساقتالعان جول كارتاسىنا سايكەس ورال قالاسىندا نەگىزگى جۇكتەمەنى كوتەرەتىن 8 ءىرى ستانسانى جوندەۋ جوسپارلانسا، سونىڭ التاۋى جاڭعىرتىلدى. №1 جانە №29 كارىز-سورعى ستانسالارىن جوندەۋ جۇمىستارى جىل سوڭىنا دەيىن اياقتالادى. اتالعان 8 جوباعا بيۋدجەتتەن 12,3 ملرد تەڭگە قارجى قاراستىرىلدى. ناتيجەسىندە كارىز جۇيەسىنىڭ توزۋ دەڭگەيى 63 پايىزدان 55 پايىزعا تۇسەدى. 366 مىڭنان استام تۇتىنۋشى تۇراقتى سۋ بۇرۋ قىزمەتىمەن قامتىلادى.
وبلىس اكىمى جاڭا نىساننىڭ الەۋەتى جانە جۇمىسشىلارعا جاسالعان جاعدايمەن تانىستى. ناريمان تورەعاليەۆ قۋاتى تومەن، كىشى سورعى ستانسالارى دا كەزەڭ-كەزەڭىمەن جوندەلەتىنىن جەتكىزدى.
