«اتامەكەن» ونەر ورداسىندا مۇناي-گاز ماشينا جاساۋ فورۋمى جانە وپەراتورلاردىڭ اشىق ەسىك كۇنى ءوتتى. ءىس-شارانى قر ەنەرگەتيكا مينيسترلىگى جانە وبلىس اكىمدىگىنىڭ قولداۋىمەن مۇناي-گاز ماشينا جاساۋىن دامىتۋ حالىقارالىق ورتالىعى ۇيىمداستىردى.
فورۋم قاتىسۋشىلارى الدىمەن 40-قا جۋىق وتاندىق كاسىپورىننىڭ كورمەسىن ارالاپ، مۇناي-گاز سالاسىنا ارنالعان ونىمدەرمەن تانىستى.
پلەنارلىق وتىرىستا قۇرىلتاي دەپۋتاتى ەرىك قوجانيازوۆ، ەنەرگەتيكا ۆيتسە-ءمينيسترى ەرلان اقباروۆ جانە وبلىس اكىمى اپپاراتىنىڭ باسشىسى ءنۇردىلدا وراز قۇتتىقتاۋ ءسوز سويلەدى.
وبلىس اكىمى اپپاراتىنىڭ باسشىسى ءنۇردىلدا وراز ايماق باسشىسى ناريمان تورەعاليەۆتىڭ قۇتتىقتاۋىن جەتكىزىپ، بۇل فورۋم پرەزيدەنت تاپسىرماسىنا سايكەس ءىرى وپەراتورلاردىڭ سۇرانىسىن وتاندىق كاسىپورىنداردىڭ وندىرىستىك الەۋەتىمەن ۇشتاستىرىپ، ءوزارا ءتيىمدى كەلىسىمدەرگە قول جەتكىزەتىن ىسكەرلىك الاڭ ەكەنىن اتاپ ءوتتى.
- ءبىزدىڭ ماقساتىمىز – ينۆەستيتسيا كولەمىن ارتتىرۋ عانا ەمەس، ونىڭ ءوڭىر ەكونوميكاسىنا بەرەتىن ناقتى قايتارىمىن قامتاماسىز ەتۋ. ءىرى جوبالار جەرگىلىكتى كاسىپورىنداردىڭ دامۋىنا، وندىرىستىك قۋاتتاردىڭ ارتۋىنا جانە جاڭا جۇمىس ورىندارىنىڭ اشىلۋىنا قىزمەت ەتۋى ءتيىس. بۇل – پرەزيدەنت جۇكتەگەن ناقتى مىندەتتەر، – دەدى ءنۇردىلدا وراز.
فورۋمدا «قازمۇنايگاز» ۇك» اق وكىلى شافكات قۇداباەۆ، «تەڭىزشەۆرويل» جشس باسشىسى ۋيليام لاكوبي، NCOC وكىلى جاندوس ورازاليەۆ، KPO b.v. باسشىسى ماركو مارسيلي، IMBC باس ديرەكتورى داستان ابىشەۆ جانە KMG PetroChem باسشىسى دياز ديانوۆ بايانداما جاسادى.
ءىس-شارا اياسىندا «قازمۇنايگاز» ۇك» اق، ءىرى وپەراتورلار مەن وتاندىق وندىرۋشىلەر اراسىندا جالپى قۇنى 700 ملن اقش دوللارىنا جۋىق كەلىسىمشارتتارعا قول قويىلدى. بۇل وتكەن جىلعى كورسەتكىشتەن 240 ملن دوللارعا ارتىق.
800-دەن استام قاتىسۋشى جينالعان فورۋمدا ءوندىرىستى جەرگىلىكتەندىرۋ، ساتىپ الۋ تالاپتارى مەن حالىقارالىق ستاندارتتار تالقىلانىپ، B2B كەزدەسۋلەر ۇيىمداستىرىلدى.
