بۇگىن ورال قالاسىنداعى «اتامەكەن» ونەر ورداسىندا باتىس قازاقستان وبلىسى شىڭعىرلاۋ اۋدانىنىڭ الداعى 2028 جىلى قۇرىلعانىنا 100 جىل تولۋىنا وراي ۇيىمداستىرىلعان اۋقىمدى ينۆەستيتسيالىق فورۋم ءوز جۇمىسىن باستادى.
شارانىڭ باستى ماقساتى – ءوڭىردىڭ ەكونوميكالىق الەۋەتىن ارتتىرۋ، جاڭا بيزنەس-باستامالاردى قولداۋ جانە اۋدان ەكونوميكاسىنا ينۆەستيتسيا تارتۋ.
فورۋم اياسىندا وبلىس پەن اۋدان كاسىپكەرلەرىنە، قارجى جانە دامۋ ينستيتۋتتارىنىڭ وكىلدەرىنە، سالالىق باسقارمالار مەن الەۋەتتى ينۆەستورلارعا اۋداننىڭ وندىرىستىك، اۋىل شارۋاشىلىعى جانە تۋريستىك باعىتتاعى باسىم جوبالارى مەن ينۆەستيتسيالىق مۇمكىندىكتەرى كەڭىنەن تانىستىرىلۋدا.
بۇل باستاما اۋداندا جاڭا جۇمىس ورىندارىن اشۋعا جانە كاسىپكەرلىك سالاسىن جاڭا دەڭگەيگە كوتەرۋگە تىڭ سەرپىن بەرمەك.
ۇقساس جاڭالىقتار
