«Taza Qazaqstan» jalpyūlttyq baǧdarlamasy aiasynda Q.Jūbanov atyndaǧy Aqtöbe öŋırlık universitetınde «Ekologiialyq tärbie – taza bolaşaq kepılı» atty ıs-şara öttı.
Is-şaranyŋ maqsaty – jastardyŋ ekologiialyq sauattylyǧyn arttyru, tabiǧi bailyqtardy saqtau mädenietın qalyptastyru, qorşaǧan ortaǧa janaşyrlyqpen qaraudy nasihattau jäne ekologiialyq mäselelerdı şeşudegı ortaq jauapkerşılıktı nyǧaitu.
Kezdesu barysynda ekologiia salasynyŋ mamandary studentterge «Taza Qazaqstan» jalpyūlttyq baǧdarlamasynyŋ negızgı baǧyttary, maŋyzy men qoǧamdaǧy rölı turaly tüsındırdı. Sonymen qatar qorşaǧan ortany qorǧau, qaldyqtardy sūryptau, tabiǧi resurstardy tiımdı paidalanu jäne ekologiialyq ädetterdı kündelıktı ömırde qalyptastyru mäselelerı talqylandy.
Tanymdyq kezdesumen qatar studentter arasynda makulatura jinau aksiiasy ūiymdastyryldy. Bastama qaǧaz qaldyqtaryn qaita öŋdeu mädenietın qalyptastyruǧa jäne tabiǧi resurstardy ünemdeudıŋ maŋyzyn täjıribe jüzınde körsetuge baǧyttaldy.
Aqtöbe oblysy boiynşa Ekologiia departamentınıŋ bas mamany, memlekettık ekologiialyq inspektor Gülzat Nuruşeva ekologiialyq mädeniettı qalyptastyrudyŋ maŋyzyn atap öttı.
— Ekologiialyq mädeniettı qalyptastyru jäne tabiǧi resurstardy saqtau – barşamyzǧa ortaq mındet. «Taza Qazaqstan» baǧdarlamasy aiasynda jastardyŋ qorşaǧan ortany qorǧauǧa belsendı qatysuy, makulatura jinau siiaqty igı bastamalardy qoldauy erekşe maŋyzǧa ie. Tabiǧatqa janaşyrlyqpen qarau ärbır azamattyŋ kündelıktı ömırlık ūstanymyna ainaluy tiıs, – dedı ol.
Al Q.Jūbanov atyndaǧy Aqtöbe öŋırlık universitetınıŋ Äleumettık mäseleler jäne jastar saiasaty departamentınıŋ bas mamany Däuren Orazalin jastardyŋ ekologiialyq tärbiesıne toqtaldy.
— Jastardyŋ ekologiialyq mädenietın qalyptastyru jäne tabiǧatty qorǧauǧa degen jauapkerşılıgın arttyru – tärbie jūmysynyŋ maŋyzdy baǧyttarynyŋ bırı. Bügıngı makulatura jinau bastamasy studentterdıŋ ekologiialyq mäselelerge beijai qaramaitynyn jäne qorşaǧan ortany qorǧauǧa naqty üles qosuǧa daiyn ekenın körsetedı. Bızdıŋ maqsatymyz – ekologiialyq sanaly, tabiǧatqa janaşyrlyqpen qaraityn jäne qoǧam aldyndaǧy jauapkerşılıgın sezınetın belsendı jastardy tärbieleu, – dedı ol.
Is-şaranyŋ negızgı ideiasy – ekologiialyq mädeniettıŋ söz jüzınde emes, naqty ıspen qalyptasatynyn jastarǧa jetkızu. Tabiǧatty qorǧau – ärbır azamattyŋ ortaq mındetı, al taza bolaşaq bügıngı ūrpaqtyŋ sanaly taŋdauyna bailanysty.
