Bügın Qyzylorda oblysynyŋ Jaŋaqorǧan audany Şalqiia kentınde «Liaoning Hongda Group» kompaniiasy «Burabai-Jalǧyzaǧaş» tau-ken baiytu kombinatynyŋ qūrylysy resmi türde bastaldy. Oǧan oblys äkımı Mūrat Ergeşbaev, «Liaoning Hongda Group» kompaniiasynyŋ bas direktory Tan Sziugan qatysty.
Räsımde aimaq basşysy audan tūrǧyndaryn qūttyqtap, jaŋa öndırıs orny öŋır ekonomikasyna tyŋ serpın beretının atap öttı.
«Kombinat qūrylysynyŋ bastaluy – Syr öŋırı üşın tarihi oqiǧa. Būl – oblysymyzdyŋ industriialyq damuyna jaŋa serpın, ekonomikany ärtaraptandyruǧa jäne jaŋa jūmys oryndaryn aşuǧa mol mümkındık beretın ırı investisiialyq joba.
Osyndai auqymdy ärı zamanaui jobany aimaǧymyzda jüzege asyrǧan «Liaoning Hongda Group» kompaniiasyna zor rizaşylyǧymdy bıldıremın.
Memleket basşysy Qasym-Jomart Kemelūly elımızdı jaŋa investisiialyq siklge köşıru, zamanaui öndırısterdı ıske qosu jäne öŋırlerdıŋ ekonomikalyq äleuetın tiımdı paidalanudy tapsyrǧan bolatyn.
Bügıngı tau-ken baiytu kombinaty – osy auqymdy jūmystardyŋ asa maŋyzdy bölıgı. Qūrylysyna 138 mlrd teŋge qaralǧan joba tolyq ıske qosylǧanda jylyna 210 myŋ tonna qorǧasyn-myryş şikızatyn jäne 20 tonna kümıs öndıru josparlanuda. Eŋ bastysy, 550-den astam jaŋa jūmys orny aşylady.
Bügın bastalyp jatqan qūrylys sättı aiaqtalyp, merzımınde ıske qosylyp, el igılıgıne qyzmet etetınıne senemın», – dedı Mūrat Nälqojaūly.
Şarada kompaniia direktory Tan Sziuchan, el aǧasy İzadilla Närzıldaev söz söiledı.
Tau-ken baiytu kombinatyn aldaǧy ekı jyl ışınde salyp, 2028 jyly tolyq aiaqtau josparlanǧan.
Qazırgı uaqytta ken ornynyŋ mineraldyq-şikızat bazasyn keŋeitu maqsatynda būrǧylau jūmystary jürgızılude. Sondai-aq öndırıstık joldar salu da qolǧa alynyp, qūrylys alaŋdary anyqtaldy. Būdan bölek, elektr jelılerıne qosyluǧa joba-smetalyq qūjattama äzırlendı. Qazırgı uaqytta nysandy elektr quatymen qamtamasyz etu jäne elektr jelılerıne qosu mejelengen.
Aita keteiık, keiıngı jyldary Syr öŋırınde jaŋa öndırıs oryndarynyŋ negızı qalanyp, ırı jobalar jüzege asuda. Jaŋaqorǧan audanynda üş jylda 6,7 mlrd teŋgeden astam qarjyǧa 9 investisiialyq joba ıske qosyldy. Biyl 3 joba közdelse, onyŋ ekeuı el igılıgıne ainaldy. Aldaǧy üş jylda oblystyŋ önerkäsıp salasynda 1,9 trillion teŋgege 48 investisiialyq jobany jüzege asyru josparlanǧan. Nätijesınde 10 myŋnan astam jaŋa jūmys orny qūrylady.
