Barbastau-Aqjaiyq-İnder baǧytyndaǧy jol qūrylysy aiaqtalady, dep habarlaidy "Adyrna" ūlttyq portaly.
Ol turaly Batys Qazaqstan oblysynyŋ jolauşylar kölıgı jäne avtomobil joldary basqarmasynyŋ basşysy Bauyrjan Aitmaǧambetov mälımdedı. Aita keteiık oblystyq maŋyzy bar Barbastau-Aqjaiyq-İnder jolynyŋ 43-93 şaqyrymy iaǧni jalpy ūzyndyǧy 50 km avtomobil jolyn qaita jaŋǧyrtu jūmystary biyl aiaqtalady.
"Jobany ıske asyru merzımı – 2021-2024 jyldar. Bügıngı künge deiın 43,4 şaqyrym jol töselıp, jūmystyŋ 85%-y oryndaldy. Atalǧan nysandy
aiaqtau üşın biyl jergılıktı biudjetten 3,2 mlrd.teŋge qarjy bölındı. Qazırgı kezde jūmystardy jalǧastyru üşın daiyndyq jūmystary jürgızılude",–dedı Bauyrjan Aitmaǧambetov.
Sonymen qatar Batys Qazaqstan oblysynyŋ jolauşylar kölıgı jäne avtomobil joldary basqarmasynyŋ basşysy biyl Barbastau-Aqjaiyq-İnder avtomobil jolynyŋ 93-145 şaqyrymyn kürdelı jöndeu jūmystary bastalatynyn atap öttı. Qazırgı taŋda merdıgerdı anyqtau räsımı aiaqtaldy. Joǧaryda atalǧa tas joldy "Uniserv" JŞS jöndeitın bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz