Joba bas josparǧa engızılgen. Şymkentte LRT salynbaq

2612
Adyrna.kz Telegram
https://adyrna.kz/content/uploads/2023/07/c317f219-d245-4fc1-b969-35e32cd7e2f7.jpeg
Şymkentte LRT salynuy mümkın. Būl joba qalanyŋ Bas josparyna engen. Osy jaiynda Şymkent qalasynyŋ säulet, qala qūrylysy jäne jer qatynastary basqarmasy basşysynyŋ mındetın uaqytşa atqaruşy Nūrbol Jünısbekov aitty, dep habarlaidy “Adyrna” ūlttyq portaly. 
Qalamyz jeŋıl relstı kölıkpen qamtyluy mümkın. Bas josparda osy joba qarastyrylǧan. Iаǧni būl joba qalaǧa qajet bolsa, bolaşaqta jüzege asyryluy yqtimal, - dedı N.Jünısbekov baspasöz mäslihatynda.
Sondai-aq, ol jeŋıl relstı joldar batys, şyǧys, oŋtüstık, soltüstık baǧdarlar boiynşa qiylysyp jürgızıledı.
Qazır būl jobaǧa asyǧystyq joq. Tūrǧyndar sanynyŋ köbeiuıne qarai qarastyrylady. 2035 jylǧa qarai kölık problemasy şeşılmei jatsa, osy joba ıske asyuy mümkın. Sondyqtan būl joba naqty qaşan ıske asatyny belgısız. Josparda 2035-2050 jyldar qarastyrylǧan, - dedı basqarma ökılı.
Eske salaiyq, byltyr şılde aiynda Şymkent qalasynyŋ äkımı Mūrat Äitenov qalanyŋ bas josparyna LRT jäne BRT qūrylysy engızılgenın aitty.
Pıkırler