Bügın «Öner ortalyǧynda» 7 mamyr – Otan qorǧauşylar künıne jäne 9 mamyr – Ūly Jeŋıstıŋ 81 jyldyǧyna arnalǧan «Aibyny asqaq, aibary myqty azat el» atty merekelık şara öttı.
Oǧan oblys äkımınıŋ bırınşı orynbasary Daniiar Janalinov, QR Prezidentı janyndaǧy Ūlttyq ǧylym akademiiasynyŋ ökılderı, qūqyq qorǧau organdarynyŋ basşylary, ziialy qauym, ǧylym salasynyŋ qyzmetkerlerı qatysty.
Saltanatty şarada oblys äkımınıŋ bırınşı orynbasary ardagerler men äskeri qyzmetkerşılerdı merekemen qūttyqtap, ızgı tılegın jetkızdı.
«Barşaŋyzdy Otan qorǧauşylar künımen, Ūly Jeŋıs merekesımen şyn jürekten qūttyqtaimyn!
Memleket basşymyz – Qazaqstan Qaruly Küşterınıŋ Joǧarǧy Bas Qolbasşysy Qasym-Jomart Kemelūly: «Qazaq – daŋqty tarihyn at tūiaǧymen jazǧan halyq. Bız ūlan-ǧaiyr jerın jauǧa bastyrmaǧan batyr eldıŋ ūrpaǧymyz. Alapat soǧysta jeŋıske jetken qaharman erlerdıŋ ızbasarymyz. Qazır elımızdıŋ küştık qūrylymdary Qazaqstannyŋ qauıpsızdıgın qas qaqpai küzetıp tūr. Otanymyzdyŋ ırgesı berık boluyn qamtamasyz etu – är azamattyŋ perzenttık paryzy», – degen bolatyn.
Bügınde Täuelsız memleketımızdıŋ Qaruly Küşterı erlık pen batyldyqtyŋ ozyq ülgısın körsetude. Sonyŋ arqasynda äskeri qyzmetşılerımız BŪŪ aiasyndaǧy türlı bıtımgerlık operasiialarǧa qatysyp, özderınıŋ käsıbilıgı men joǧary deŋgeidegı jauyngerlık maşyǧyn däleldep keledı. Bügınde äskerilerdı, qūqyq qorǧau, azamattyq qorǧanys organdarynyŋ qyzmetkerlerın memleket tarapynan jan-jaqty qoldauǧa basa köŋıl bölıngen.
Jalpyūlttyq bırlık pen saiasi tūraqtylyqtyŋ nätijesınde eldıŋ syrty jaudan, ışı daudan aman bolyp, memleketımız ornyqty damuda. Barşaŋyzdy merekemen qūttyqtaimyz, Ädılettı, Quatty, Qauıpsız jäne Taza Qazaqstandy qūru jolyndaǧy barlyq bastamamyz sättı jüzege asa bersın. Elımız eŋselı, Täuelsızdıgımız tūǧyrly bolǧai!», - dedı Daniiar Erenǧaliūly.
Merekede Syr öŋırıne arnaiy kelgen QR Prezidentı janyndaǧy Ūlttyq ǧylym akademiiasynyŋ prezidentı Aqylbek Kürışbaev qūttyqtau söz söiledı. Otanǧa käsıbi bılıktılıgımen qaltqysyz qyzmet etıp jürgen äskeri qyzmetşıler marapat törınen körındı.
Şara tyl ardagerlerıne gül şoqtaryn tartu etu räsımıne, konserttık baǧdarlamaǧa ūlasty.
