بۇگىن «ونەر ورتالىعىندا» 7 مامىر – وتان قورعاۋشىلار كۇنىنە جانە 9 مامىر – ۇلى جەڭىستىڭ 81 جىلدىعىنا ارنالعان «ايبىنى اسقاق، ايبارى مىقتى ازات ەل» اتتى مەرەكەلىك شارا ءوتتى.
وعان وبلىس اكىمىنىڭ ءبىرىنشى ورىنباسارى دانيار جانالينوۆ، قر پرەزيدەنتى جانىنداعى ۇلتتىق عىلىم اكادەمياسىنىڭ وكىلدەرى، قۇقىق قورعاۋ ورگاندارىنىڭ باسشىلارى، زيالى قاۋىم، عىلىم سالاسىنىڭ قىزمەتكەرلەرى قاتىستى.
سالتاناتتى شارادا وبلىس اكىمىنىڭ ءبىرىنشى ورىنباسارى ارداگەرلەر مەن اسكەري قىزمەتكەرشىلەردى مەرەكەمەن قۇتتىقتاپ، ىزگى تىلەگىن جەتكىزدى.
«بارشاڭىزدى وتان قورعاۋشىلار كۇنىمەن، ۇلى جەڭىس مەرەكەسىمەن شىن جۇرەكتەن قۇتتىقتايمىن!
مەملەكەت باسشىمىز – قازاقستان قارۋلى كۇشتەرىنىڭ جوعارعى باس قولباسشىسى قاسىم-جومارت كەمەلۇلى: «قازاق – داڭقتى تاريحىن ات تۇياعىمەن جازعان حالىق. ءبىز ۇلان-عايىر جەرىن جاۋعا باستىرماعان باتىر ەلدىڭ ۇرپاعىمىز. الاپات سوعىستا جەڭىسكە جەتكەن قاھارمان ەرلەردىڭ ءىزباسارىمىز. قازىر ەلىمىزدىڭ كۇشتىك قۇرىلىمدارى قازاقستاننىڭ قاۋىپسىزدىگىن قاس قاقپاي كۇزەتىپ تۇر. وتانىمىزدىڭ ىرگەسى بەرىك بولۋىن قامتاماسىز ەتۋ – ءار ازاماتتىڭ پەرزەنتتىك پارىزى»، – دەگەن بولاتىن.
بۇگىندە تاۋەلسىز مەملەكەتىمىزدىڭ قارۋلى كۇشتەرى ەرلىك پەن باتىلدىقتىڭ وزىق ۇلگىسىن كورسەتۋدە. سونىڭ ارقاسىندا اسكەري قىزمەتشىلەرىمىز بۇۇ اياسىنداعى ءتۇرلى بىتىمگەرلىك وپەراتسيالارعا قاتىسىپ، وزدەرىنىڭ كاسىبيلىگى مەن جوعارى دەڭگەيدەگى جاۋىنگەرلىك ماشىعىن دالەلدەپ كەلەدى. بۇگىندە اسكەريلەردى، قۇقىق قورعاۋ، ازاماتتىق قورعانىس ورگاندارىنىڭ قىزمەتكەرلەرىن مەملەكەت تاراپىنان جان-جاقتى قولداۋعا باسا كوڭىل بولىنگەن.
جالپىۇلتتىق بىرلىك پەن ساياسي تۇراقتىلىقتىڭ ناتيجەسىندە ەلدىڭ سىرتى جاۋدان، ءىشى داۋدان امان بولىپ، مەملەكەتىمىز ورنىقتى دامۋدا. بارشاڭىزدى مەرەكەمەن قۇتتىقتايمىز، ادىلەتتى، قۋاتتى، قاۋىپسىز جانە تازا قازاقستاندى قۇرۋ جولىنداعى بارلىق باستامامىز ءساتتى جۇزەگە اسا بەرسىن. ەلىمىز ەڭسەلى، تاۋەلسىزدىگىمىز تۇعىرلى بولعاي!»، - دەدى دانيار ەرەنعاليۇلى.
مەرەكەدە سىر وڭىرىنە ارنايى كەلگەن قر پرەزيدەنتى جانىنداعى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ قۇتتىقتاۋ ءسوز سويلەدى. وتانعا كاسىبي بىلىكتىلىگىمەن قالتقىسىز قىزمەت ەتىپ جۇرگەن اسكەري قىزمەتشىلەر ماراپات تورىنەن كورىندى.
شارا تىل ارداگەرلەرىنە گۇل شوقتارىن تارتۋ ەتۋ راسىمىنە، كونتسەرتتىك باعدارلاماعا ۇلاستى.
