2026 jylǧy 20 qaŋtarda Qyzylorda qalasynda Ūlttyq qūryltaidyŋ V otyrysy öttı.
El taǧdyryna qatysty maŋyzdy mäseleler talqylanǧan būl alqaly jiynnyŋ däl osy öŋırde ūiymdastyryluy jäne bır ǧasyr būryn Qazaq elınıŋ astanasy bolǧan qasiettı Qyzylorda jerınde ötuı – Syr öŋırı jūrtşylyǧy üşın zor märtebe ärı tarihi maŋyzy airyqşa oqiǧa boldy.
Osyndai tarihi jäne saiasi mänı zor qūryltai otyrysynan keiın Syr elınıŋ ziialy qauym ökılderı men jastary Memleket basşysyna alǧysyn bıldırıp arnaiy hat joldady.
«Aimaq halqy Özıŋızdıŋ ūlttyq bırlıktı nyǧaituǧa, azamattardyŋ äl-auqatyn arttyruǧa baǧyttalǧan syndarly saiasatyŋyzdy ärdaiym qoldap keledı. Qūryltai barysynda Qyzylorda oblysynyŋ soŋǧy jyldardaǧy äleumettık-ekonomikalyq damuyna joǧary baǧa beruıŋız Syr jūrtşylyǧyna ülken senım men jıger syilady. Būl – yntymaǧy jarasqan öŋır halqyna körsetılgen laiyqty qoldau ärı eŋbektıŋ ädıl baǧasy dep qabyldandy.
Qyzylorda qalasynan Prezidenttık kıtaphana aşu, jaŋa drama teatr men 500 oryndyq emhana jäne 200 oryndyq perzenthana salu, «Batys Qytai – Batys Europa» dälızınıŋ Qyzylorda – Aqtöbe arasyn tört jolaqty etıp keŋeitu, sondai-aq biyl «Beineu – Sekseuıl» jolynyŋ qūrylysyn bastau jäne Kökaral bögetı jobasyn jüzege asyru arqyly kışı Araldyŋ su kölemın aitarlyqtai köbeitu boiynşa bergen tapsyrmaŋyz öŋır tūrǧyndaryn erekşe quantty.
Sızge barşa Syr jūrtşylyǧy atynan şynaiy alǧysymyzdy, zor rizaşylyǧymyzdy bıldıremız.
Bız Sızdıŋ ädılettı, quatty, qauıpsız ärı taza Qazaqstandy ornyqtyru baǧytyndaǧy barlyq bastamalaryŋyzdy qoldaimyz! Egemen elımızdıŋ damuy jolyndaǧy eren eŋbegıŋızge tabys, denıŋızge saulyq pen küş-jıger tıleimız!» - delıngen hatta.
Syr halqynyŋ alǧysyn jetkızgen hatqa qol qoiǧandar arasynda - Qazaqstannyŋ Eŋbek Erlerı A.Eraliev, İ.Şaǧyrtaev, Qazaqstannyŋ eŋbek sıŋırgen qairatkerlerı, Eŋbek ardagerlerı J.Şaripov, S.İmandosov, ziialy qauym ökılderı, Qyzylorda oblysynyŋ Ardagerler keŋesınıŋ töraǧasy S.Düisenbaev, aitysker aqyndar M.Niiazov, M.Sūltanhan, oblystyq Mäslihat töraǧasy men «AMANAT» partiiasynyŋ oblystyq filialynyŋ töraǧasy, Qazaqstan halqy Assambleiasy ökılderı jäne jastar bar.
