2026 جىلعى 20 قاڭتاردا قىزىلوردا قالاسىندا ۇلتتىق قۇرىلتايدىڭ V وتىرىسى ءوتتى.
ەل تاعدىرىنا قاتىستى ماڭىزدى ماسەلەلەر تالقىلانعان بۇل القالى جيىننىڭ ءدال وسى وڭىردە ۇيىمداستىرىلۋى جانە ءبىر عاسىر بۇرىن قازاق ەلىنىڭ استاناسى بولعان قاسيەتتى قىزىلوردا جەرىندە ءوتۋى – سىر ءوڭىرى جۇرتشىلىعى ءۇشىن زور مارتەبە ءارى تاريحي ماڭىزى ايرىقشا وقيعا بولدى.
وسىنداي تاريحي جانە ساياسي ءمانى زور قۇرىلتاي وتىرىسىنان كەيىن سىر ەلىنىڭ زيالى قاۋىم وكىلدەرى مەن جاستارى مەملەكەت باسشىسىنا العىسىن ءبىلدىرىپ ارنايى حات جولدادى.
«ايماق حالقى ءوزىڭىزدىڭ ۇلتتىق بىرلىكتى نىعايتۋعا، ازاماتتاردىڭ ءال-اۋقاتىن ارتتىرۋعا باعىتتالعان سىندارلى ساياساتىڭىزدى ءاردايىم قولداپ كەلەدى. قۇرىلتاي بارىسىندا قىزىلوردا وبلىسىنىڭ سوڭعى جىلدارداعى الەۋمەتتىك-ەكونوميكالىق دامۋىنا جوعارى باعا بەرۋىڭىز سىر جۇرتشىلىعىنا ۇلكەن سەنىم مەن جىگەر سىيلادى. بۇل – ىنتىماعى جاراسقان ءوڭىر حالقىنا كورسەتىلگەن لايىقتى قولداۋ ءارى ەڭبەكتىڭ ءادىل باعاسى دەپ قابىلداندى.
قىزىلوردا قالاسىنان پرەزيدەنتتىك كىتاپحانا اشۋ، جاڭا دراما تەاتر مەن 500 ورىندىق ەمحانا جانە 200 ورىندىق پەرزەنتحانا سالۋ، «باتىس قىتاي – باتىس ەۋروپا» ءدالىزىنىڭ قىزىلوردا – اقتوبە اراسىن ءتورت جولاقتى ەتىپ كەڭەيتۋ، سونداي-اق بيىل «بەينەۋ – سەكسەۋىل» جولىنىڭ قۇرىلىسىن باستاۋ جانە كوكارال بوگەتى جوباسىن جۇزەگە اسىرۋ ارقىلى كىشى ارالدىڭ سۋ كولەمىن ايتارلىقتاي كوبەيتۋ بويىنشا بەرگەن تاپسىرماڭىز ءوڭىر تۇرعىندارىن ەرەكشە قۋانتتى.
سىزگە بارشا سىر جۇرتشىلىعى اتىنان شىنايى العىسىمىزدى، زور ريزاشىلىعىمىزدى بىلدىرەمىز.
ءبىز ءسىزدىڭ ادىلەتتى، قۋاتتى، قاۋىپسىز ءارى تازا قازاقستاندى ورنىقتىرۋ باعىتىنداعى بارلىق باستامالارىڭىزدى قولدايمىز! ەگەمەن ەلىمىزدىڭ دامۋى جولىنداعى ەرەن ەڭبەگىڭىزگە تابىس، دەنىڭىزگە ساۋلىق پەن كۇش-جىگەر تىلەيمىز!» - دەلىنگەن حاتتا.
سىر حالقىنىڭ العىسىن جەتكىزگەن حاتقا قول قويعاندار اراسىندا - قازاقستاننىڭ ەڭبەك ەرلەرى ا.ەراليەۆ، ي.شاعىرتاەۆ، قازاقستاننىڭ ەڭبەك سىڭىرگەن قايراتكەرلەرى، ەڭبەك ارداگەرلەرى ج.شاريپوۆ، س.يماندوسوۆ، زيالى قاۋىم وكىلدەرى، قىزىلوردا وبلىسىنىڭ ارداگەرلەر كەڭەسىنىڭ توراعاسى س.دۇيسەنباەۆ، ايتىسكەر اقىندار م.نيازوۆ، م.سۇلتانحان، وبلىستىق ءماسليحات توراعاسى مەن «AMANAT» پارتياسىنىڭ وبلىستىق فيليالىنىڭ توراعاسى، قازاقستان حالقى اسسامبلەياسى وكىلدەرى جانە جاستار بار.
