Prezident Qasym-Jomart Toqaev Ükımetke bergen bırqatar tapsyramsynyŋ ışınde äkımderge qoǧamdyq kölık jūmysyn tūraqtandyru ısıde bar, dep habarlaidy «Adyrna» tılışsı.
Bügıngı taŋda elımızdegı eŋ ırı qala Almatyda qoǧamdyq kölıktıŋ mäselesınıŋ tüiını tarqatylmaq.
Alyp qala Almatyda oblys pen qala arasynda qatynaityn qoǧamdyq kölıkter jetıspeidı. Būl turaly mäslihat sessiiasynda qala äkımınıŋ orynbasary Asqar Amrin mälımdegen edı.
Spikerdyŋ aituynşa, bügınde tek 150 kentte ǧana qala maŋyna qatynaityn 22 avtobus bar. Negızgı qajettılık – 50 avtobus.
«Almaty qalasynyŋ biudjetı qala maŋyna baratyn avtobustardy subsidiiamen 100% qamtuda. Mysaly, ol üşın 2021 jyly 10 mlrd teŋge, 2022 jyly 11 mlrd teŋge bölındı. Josparda bar jaŋa baǧyttardy eskersek, aldaǧy uaqytta subsidiialar kölemı ösedı. Ötken aida bız Almaty oblysymen qala maŋyndaǧy baǧyttardy bırlese subsidiialau turaly kelıssözder jürgıze bastadyq. Almaty qalasy äkımdıgı oblysqa jeke tasymaldauşylar şyǧyndarynyŋ jartysyn jabuǧa ūsyndy. Qazır kelıssözder jalǧasuda», - dedı Asqar Amrin.
Ol 2024 jylǧa qarai halyqtyŋ jailylyǧy üşın 30 jaŋa magistraldyq qala maŋy marşruttary ıske qosylatynyn aitty.
«Nätijesınde qoǧamdyq kölıktıŋ qol jetımdılıgı jaqsara tüsedı. Sondai-aq, qala maŋyndaǧy marşruttar qalanyŋ bıryŋǧai tarifıne bırıktırıletın bolady. Sondai-aq, qala maŋynda avtobusqa otyrǧan kezde qalaǧa deiın jol jüru aqysyn töleuge jäne qalaışılık marşrutqa auysyp otyrǧan kezde bilettıŋ tolyq qūnyn qaita tölemeuge mümkındık beretın aimaqtyq tariftı engızu josparlanuda», - dedı spiker.
Ūqsas jaŋalyqtar
