Prezıdent Qasym-Jomart Toqaev Úkimetke bergen birqatar tapsyramsynyń ishinde ákimderge qoǵamdyq kólik jumysyn turaqtandyrý iside bar, dep habarlaıdy «Adyrna» tilishsi.
Búgingi tańda elimizdegi eń iri qala Almatyda qoǵamdyq kóliktiń máselesiniń túıini tarqatylmaq.
Alyp qala Almatyda oblys pen qala arasynda qatynaıtyn qoǵamdyq kólikter jetispeıdi. Bul týraly máslıhat sessııasynda qala ákiminiń orynbasary Asqar Amrın málimdegen edi.
Spıkerdyń aıtýynsha, búginde tek 150 kentte ǵana qala mańyna qatynaıtyn 22 avtobýs bar. Negizgi qajettilik – 50 avtobýs.
«Almaty qalasynyń bıýdjeti qala mańyna baratyn avtobýstardy sýbsıdııamen 100% qamtýda. Mysaly, ol úshin 2021 jyly 10 mlrd teńge, 2022 jyly 11 mlrd teńge bólindi. Josparda bar jańa baǵyttardy eskersek, aldaǵy ýaqytta sýbsıdııalar kólemi ósedi. Ótken aıda biz Almaty oblysymen qala mańyndaǵy baǵyttardy birlese sýbsıdııalaý týraly kelissózder júrgize bastadyq. Almaty qalasy ákimdigi oblysqa jeke tasymaldaýshylar shyǵyndarynyń jartysyn jabýǵa usyndy. Qazir kelissózder jalǵasýda», - dedi Asqar Amrın.
Ol 2024 jylǵa qaraı halyqtyń jaılylyǵy úshin 30 jańa magıstraldyq qala mańy marshrýttary iske qosylatynyn aıtty.
«Nátıjesinde qoǵamdyq kóliktiń qol jetimdiligi jaqsara túsedi. Sondaı-aq, qala mańyndaǵy marshrýttar qalanyń biryńǵaı tarıfine biriktiriletin bolady. Sondaı-aq, qala mańynda avtobýsqa otyrǵan kezde qalaǵa deıin jol júrý aqysyn tóleýge jáne qalaishilik marshrýtqa aýysyp otyrǵan kezde bılettiń tolyq qunyn qaıta tólemeýge múmkindik beretin aımaqtyq tarıfti engizý josparlanýda», - dedi spıker.
