Komıssııa 1059 ótinishti qarap úlgerse, 94 almatylyq óz isin damytýǵa grantty maquldaǵan.
Almatyda bıznes-ıdeıalardy júzege asyrý úshin qala turǵyndaryna jalpy somasy 517,5 mln teńgege 375 grant berý jospary bekitildi. Bul týraly Óńirlik kommýnıkaııalar qyzmetiniń alańynda Almaty qalalyq Jumyspen qamtý ortalyǵynyń dırektory Saǵyndyq Kenjebaev aıtty, dep habarlaıdy "Adyrna" portaly.
Qazirge deıin komıssııa 1059 ótinishti qarap úlgerdi, onyń ishinde 94 almatylyq óz isin damytýǵa grantty maquldasa, qalǵan 965-inen bas tartyldy.
«400 eselengen aılyq eseptik kórsetkish (1 380 000 teńge) kólemindegi memlekettik grant – bul jańa kásip ashý jáne damytý úshin qaıtarymsyz negizde beriletin bastapqy kapıtal», - dedi Saǵyndyq Kenjebaev.
Almaty qalalyq Jumyspen qamtý ortalyǵynyń dırektory grantty tek qajetti qural-jabdyqtar, qural-saımandar, tehnologııalyq jabdyqtar, mal, múlik, qus, kóshet, buta, tuqym satyp alýǵa jáne úı-jaıdy jalǵa alý aqysyn tóleýge ǵana berýge bolatynyn túsindirdi.
Granttar tutynýshylyq maqsattarǵa, nesıelik qaryzdardy óteýge, jyljymaıtyn turǵyn úıdi satyp alýǵa jáne ıpotekaǵa salýǵa, jer telimderin satyp alýǵa jáne akızdeletin ónim óndirýge berilmeıdi. Sonymen qatar, memleket bıznesti júzege asyrý úshin bastapqy kapıtaldy tek halyqtyń áleýmettik osal toptaryndaǵy azamattarǵa ǵana bóledi.
Granttardy kelesi sanattarǵa jatatyn tirkelgen jumyssyzdar jáne úsh jyldan az jumys istegen ózin-ózi jumyspen qamtyǵandar ala alady:
- kóp balaly adamdar - kóp balaly bolǵany úshin járdemaqy alýshylar (kúıeýi, jubaıy);
- mıgranttar jáne olardyń eńbekke qabiletti otbasy músheleri;
- múgedek balany (kúıeýin, jubaıyn) tárbıeleý boıynsha járdemaqy alatyn tulǵalar;
- az qamtylǵan adamdar – ataýly áleýmettik kómek alýshylar jáne olardyń otbasy músheleri;
- asyraýshysynan aıyrylǵan jaǵdaıda tólenetin áleýmettik tólemderdi alýshylar;
- qandas mártebesi bar tulǵalar;
- múgedekter.
Sonymen qatar, grant ıegerleriniń «Bastau Business» jobasy boıynsha kásipkerlik negizderine oqýdan ótkeni týraly sertıfıkaty bolýy kerek (oqytýdy onlaın, skills.enbek.kz portalynda aıaqtaýǵa bolady). Sondaı-aq, mártebesin tekserý kezinde áleýetti grant ıegerleri erikti qonys aýdarýǵa (ońtústikten soltústikke) qatysýshylardy qospaǵanda, jumyspen qamtýǵa járdemdesýdiń belsendi sharalarynyń qatysýshysy bolýy tıis. Grant alǵan sátten bastap onyń ıeleri jeke kásipkerdi úsh aı ishinde tirkeýi kerek.
Grantqa qatysý úshin business.enbek.kz portalynda tirkelý qajet. Basqa suraqtar boıynsha almatylyqtar Dostyq dańǵyly 85, «Áleýmettik qyzmet kórsetý úıi» mekenjaıy boıynsha Jumyspen qamtý ortalyǵyna nemese 310-47-82 biryńǵaı nómirine habarlasa alady.
"Adyrna" ulttyq portaly
