Almaty qalasynda jurnalistika fakultetınıŋ studentterınıŋ qatysuymen mediasalada jasandy intellekt qūraldaryn qoldanu taqyrybyndaǧy bılım beru treningterı aiaqtaldy.
Bır apta ışınde qalanyŋ jetekşı joǧary oqu oryndarynda ūiymdastyrylǧan oquǧa 100-ge juyq student qatysty.
Treningke qatysuşylar türlı sifrlyq platformalarǧa arnalǧan kontent äzırleu, aqparattyŋ dūrystyǧyn tekseru (faktcheking), derekterdı taldau jäne redaksiia jūmysynda sifrlyq qūraldardy paidalanu boiynşa bılım aldy. Sonymen qatar multimedialyq jurnalistika, mediaetika, äleumettık jelılermen jūmys ısteu jäne kontenttı daiyndau men ılgerıletude jasandy intellekt tehnologiialaryn qoldanu mäselelerıne erekşe köŋıl bölındı.
Baǧdarlamanyŋ basty erekşelıgı onyŋ täjıribege negızdelgen formatynda boldy. Sabaqtardy ırı kompaniialar men memlekettık ūiymdarǧa arnalǧan jasandy intellekt şeşımderın äzırleuge jäne engızuge qatysyp jürgen sarapşylar jürgızdı. Oqu barysynda studentter naqty täjıribelık jaǧdailardy taldap, zamanaui redaksiialardyŋ jūmys täsılderımen tanysty jäne praktikalyq tapsyrmalar oryndady.
«Jasandy intellekt jurnalist mamandyǧyn almastyrmaidy. Alaida ol faktını tekseruge, özındık közqarasqa jäne käsıbi jauapkerşılıkke män bermeitın jurnalistikanyŋ qūnyn tömendetedı. Algoritm mätın jaza alady, bıraq onyŋ naqtylyǧyna nemese jariialanym saldaryna jauap bermeidı. Būl – jurnalistıŋ mındetı. Sondyqtan bolaşaq mamandar jaŋa qūraldardy meŋgerıp qana qoimai, olardy qai kezde jäne qalai qoldanu kerektıgın, sondai-aq olardyŋ mümkındıkterı men şekteulerın jaqsy tüsınuı qajet», – dedı «Ksell» AQ-nyŋ (Kcell jäne activ brendterı) PR bölımınıŋ basşysy Bairam Azizov.
Joba Qazaqstan Respublikasynyŋ Mädeniet jäne aqparat ministrlıgı men «Ksell» AQ arasyndaǧy yntymaqtastyq turaly memorandum aiasynda jüzege asyryldy. Būl treningter kompaniianyŋ Qazaqstandaǧy jurnalister qauymdastyǧynyŋ käsıbi äleuetın damytuǧa baǧyttalǧan bastamalarynyŋ jalǧasy boldy.
Aita keteiık, ötken jyly kompaniia öŋırlık būqaralyq aqparat qūraldarynyŋ ökılderıne mediasaladaǧy zamanaui tehnologiialardy qoldanu mäselelerıne baǧyttalǧan oqytu baǧdarlamasyn ötkızdı. Ekı ai ışınde Şymkent, Aqtau jäne Almaty qalalarynda ūiymdastyrylǧan treningterge elımızdıŋ toǧyz öŋırınen 50-den astam jurnalist qatysty.
