2026 jyly 12 qazannan 1 qaraşaǧa deiın Almaty tūrǧyndary «Halyq qatysatyn biudjet» jobasy aiasynda jobalyq ūsynysyn bere alady. Irıkteuden ötıp, dauys beru qorytyndysy boiynşa tūrǧyndardyŋ qoldauyna ie bolǧan bastamalardy audan äkımdıkterı 2027 jyly jüzege asyrudy josparlap otyr.
Joba qala tūrǧyndaryna körkeitu jäne qalalyq ortany damytu jönınde ideiasyn ūsynuǧa, keiın eŋ qajettı bastamalardy taŋdauǧa qatysuǧa mümkındık beredı.
Ötınım budget.open-almaty.kz portaly arqyly elektrondy formatta qabyldanady. Qatysu üşın jobanyŋ atauy men sipattamasyn, ıske asyru josparlanǧan mekenjaidy körsetu, sondai-aq eskiz ben aldyn ala smetany qosa beru qajet. Būl kezeŋde tolyqqandy jobalau-smetalyq qūjattama äzırleu talap etılmeidı.
Bır jobanyŋ qūny 324,3 mln teŋgeden aspauǧa tiıs. Bastama jalpyǧa ortaq paidalanuǧa baǧyttaluy, audannyŋ qajettılıgıne sai keluı, audan äkımdıgınıŋ qūzyretıne kıruı jäne jeke kommersiialyq sipatta bolmauy kerek.
Tūrǧyndar kögaldandyru, trotuarlardy, pandustar men aryqtardy salu jäne jöndeu, saiabaqtardy, skverler men jürgınşı aimaqtaryn körkeitu, qalalyq infraqūrylym qūrylymdaryn jöndeu, zaŋsyz qoqys oryndaryn joiu, oryndyqtar, qoqys jäşıkterı men kürke ornatu, sondai-aq balalar jäne sport alaŋyn salu men jöndeu jäne körkeituge qatysty özge de baǧyttar boiynşa jobalar ūsyna alady.
Ötınım qabyldau aiaqtalǧannan keiın jobalyq ūsynystardy audandardyŋ saraptamalyq keŋesı qaraidy. Bastamanyŋ maŋyzy, ony ıske asyru mümkındıgı, belgılengen baǧyttarǧa säikestıgı jäne būryn jüzege asyrylǧan jobalardy qaitalamauy eskerıledı.
Qarau qorytyndysy boiynşa ötınımge üş märtebenıŋ bırı berıledı: «Dauys beruge jıberıldı», «Pysyqtauǧa jıberıldı» nemese «Qabyldanbady». Pysyqtauǧa jıberılgen jobalardyŋ avtorlary özgerıs engızıp, olardy qaita qarauǧa ūsyna alady.
Dauys beru de budget.open-almaty.kz portalynda elektrondy formatta ötedı. Onyŋ qorytyndysy boiynşa qarastyrylǧan qarjylandyru kölemı şegınde ıske asyrylatyn jobalar anyqtalady.
Qosymşa aqparatty Almatynyŋ audan äkımdıkterınen jäne 224-39-29, ışkı 203 nömırı arqyly «Open Almaty» qoǧamdyq qabyldau bölmesınen aluǧa bolady.
