Almatyda Atakentte órt shyqty. Tótenshe jaǵdaılar departamentiniń málimetinshe, «Delfın» basseıni ornalasqan pavılon órtenip jatyr, dep habarlaıdy “Adyrna” ulttyq portaly.
«Almaty qalasy Tótenshe jaǵdaılar departamentiniń kúshteri men quraldary joǵaryraq shenge jiberildi: Bostandyq aýdany, Tımırıazev, 42. Birinshi órt sóndirý bólimsheleri jetkende №9 pavılon ashyq jalynmen órtenip jatqany anyqtaldy», - delingen habarlamada. Bul týraly qalalyq Tótenshe jaǵdaılar departamentiniń baspasóz qyzmeti habarlady.
Órttiń taralý qaýpi joq, dep sendirdi vedomstvo. Aldyn ala málimet boıynsha, janyp jatqan pavılon bos. Oqıǵa ornynda shtab pen eki órt sóndirý orny quryldy.
«Ákimshiliktiń aıtýynsha, pavılon qaıta jóndeýden ótip jatyr. Qurbandar men zardap shekkender joq. Oqıǵa ornynda 17 tehnıka men 50 adam jumys istep jatyr», - dep habarlady TJD.
17:11-de órt oqshaýlanyp, 17:23-te joıyldy.
”Adyrna” ulttyq portaly
