Qazaqstanda qazan aiyna josparlanǧan bırqatar özgerıster engızıldı,-dep habarlaidy Adyrna.kz Dauletten.kz saityna sıltemes jasap. Densaulyq saqtau ministrı Aleksei Soi äue reisterın toqtatudy ūsynyp, karantin şaralary küşeiuı mümkın ekenın aitty. Nazarlaryŋyzǧa qazan aiyna josparlanǧan şaralardy ūsynamyz.
2006 jyly şyqqan banknottardy aiyrbastau toqtaidy
Ūlttyq bank qazan aiynan bastap 2006 jyly şyqqan eskı aqşalardy qabyldaudy toqtatady. 2 myŋ, 5 myŋ, 10 myŋ teŋgelık banknottardy aiyrbastau uaqyty aiaqtalady.
Qazaqstan şetelge äue reisterın toqtatady
5 qazannan bastap elımızde basqa elderge ūşatyn äue reisterı toqtap, Türkiiaǧa ūşatyn reister sany qysqaruy mümkın. Aleksei Soi özge memleketterdegı jaǧdaidy eskerıp, reister sanyn azaitudy talap ettı.
Almatyda qoǧamdyq kölık uaqyty ūzartylady
Almaty qalasynda avtobustar saǧat 06:00-den 23:00-ge deiın jüretın bolady. Sonymen qatar, senbı-jeksenbı künderı qoǧamdyq kölıkter öz jūmysyn jalǧastyrady. Jolauşylar araqaşyqtyqty saqtap, betperde taǧuǧa mındettı.
Jolauşylar poiyzdary jaŋa kestemen jüredı
Qazan aiynan bastap keibır jolauşylar poiyzy jiı qatynai bastaidy.
Jüru jiılıgı artqan poiyzdar:
№1/2 "Almaty-2 – Şymkent" poiyzy – aptasyna 1 retten 3 retke deiın, Almatydan-2 stansasynan 10 qazannan, al Şymkentten 11 qazannan bastap;
№11/12 "Almaty-2 – Şymkent" poiyzy – aptasyna 2 retten 4 retke deiın, Almatydan-2-den 13 qazannnan, al Şymkentten 14 qazannan bastap;
№31/32 "Almaty-2 – Pavlodar" poiyzy – kün saiyn, Almaty-2-den 11 qazannan bastap, Pavlodardan 12 qazannan bastap;
№603/604 "Nūr-Sūltan Nūrly jol – Arqalyq" poiyzy – kün saiyn, Nūr-Sūltannan 2 qaraşadan, al Arqalyqtan 3 qaraşadan bastap.
Mäjılıs sailauy
Osy aida parlament sailauynyŋ ötetın künı aityluy mümkın. Qazırgı şaqyrylymdaǧy mäjılıstıŋ ökılettıgı 2021 jyldyŋ 24 nauryzynda aiaqtalady. Zaŋ boiynşa Qazaqstan prezidentı parlament sailauynyŋ ötetın künın 2020 jyldyŋ 24 qazanynan keşıktırmei belgıleuı tiıs.
Oŋtüstık aimaqqa jylu berıledı
Bügınnen bastap Aqtöbe men Atyrau oblysyna jylu qosyldy. Jospar boiynşa 15 qazannan bastap oŋtüstıkke jylu berıledı.
Ūqsas jaŋalyqtar
