ۇلتتىق بانك قازان ايىنان باستاپ 2006 جىلى شىققان ەسكى اقشالاردى قابىلداۋدى توقتاتادى. 2 مىڭ، 5 مىڭ، 10 مىڭ تەڭگەلىك بانكنوتتاردى ايىرباستاۋ ۋاقىتى اياقتالادى.
قازاقستان شەتەلگە اۋە رەيستەرىن توقتاتادى
5 قازاننان باستاپ ەلىمىزدە باسقا ەلدەرگە ۇشاتىن اۋە رەيستەرى توقتاپ، تۇركياعا ۇشاتىن رەيستەر سانى قىسقارۋى مۇمكىن. الەكسەي تسوي وزگە مەملەكەتتەردەگى جاعدايدى ەسكەرىپ، رەيستەر سانىن ازايتۋدى تالاپ ەتتى.
الماتىدا قوعامدىق كولىك ۋاقىتى ۇزارتىلادى
الماتى قالاسىندا اۆتوبۋستار ساعات 06:00-دەن 23:00-گە دەيىن جۇرەتىن بولادى. سونىمەن قاتار، سەنبى-جەكسەنبى كۇندەرى قوعامدىق كولىكتەر ءوز جۇمىسىن جالعاستىرادى. جولاۋشىلار اراقاشىقتىقتى ساقتاپ، بەتپەردە تاعۋعا مىندەتتى.
جولاۋشىلار پويىزدارى جاڭا كەستەمەن جۇرەدى
قازان ايىنان باستاپ كەيبىر جولاۋشىلار پويىزى ءجيى قاتىناي باستايدى.
ءجۇرۋ جيىلىگى ارتقان پويىزدار:
№1/2 "الماتى-2 – شىمكەنت" پويىزى – اپتاسىنا 1 رەتتەن 3 رەتكە دەيىن، الماتىدان-2 ستانساسىنان 10 قازاننان، ال شىمكەنتتەن 11 قازاننان باستاپ;
№11/12 "الماتى-2 – شىمكەنت" پويىزى – اپتاسىنا 2 رەتتەن 4 رەتكە دەيىن، الماتىدان-2-دەن 13 قازانننان، ال شىمكەنتتەن 14 قازاننان باستاپ;
№31/32 "الماتى-2 – پاۆلودار" پويىزى – كۇن سايىن، الماتى-2-دەن 11 قازاننان باستاپ، پاۆلوداردان 12 قازاننان باستاپ;
№603/604 "نۇر-سۇلتان نۇرلى جول – ارقالىق" پويىزى – كۇن سايىن، نۇر-سۇلتاننان 2 قاراشادان، ال ارقالىقتان 3 قاراشادان باستاپ.
ءماجىلىس سايلاۋى
وسى ايدا پارلامەنت سايلاۋىنىڭ وتەتىن كۇنى ايتىلۋى مۇمكىن. قازىرگى شاقىرىلىمداعى ءماجىلىستىڭ وكىلەتتىگى 2021 جىلدىڭ 24 ناۋرىزىندا اياقتالادى. زاڭ بويىنشا قازاقستان پرەزيدەنتى پارلامەنت سايلاۋىنىڭ وتەتىن كۇنىن 2020 جىلدىڭ 24 قازانىنان كەشىكتىرمەي بەلگىلەۋى ءتيىس.
وڭتۇستىك ايماققا جىلۋ بەرىلەدى
بۇگىننەن باستاپ اقتوبە مەن اتىراۋ وبلىسىنا جىلۋ قوسىلدى. جوسپار بويىنشا 15 قازاننان باستاپ وڭتۇستىككە جىلۋ بەرىلەدى.
