قازاقستاندىق جاس تەننيسشى تايرا ابدىلداەۆا پاكىستاندا جاسوسپىرىمدەر اراسىندا ITF J30 تۋرنيرىندە چەمپيون اتاندى. بۇل تۋرالى قازاقپارات حابارلادى، دەپ جازادى "ادىرنا" ۇلتتىق پورتالى.
قازاقستان تەننيس فەدەراتسياسىنىڭ ءباسپاسوز قىزمەتىنەن ءمالىم ەتكەنىندەي، ت.ابدىلداەۆا جۇپتىق سىندا رەسەيلىك ۆلادا گۋرلەەۆامەن بىرگە فينالدا تاعى ءبىر قازاقستاندىق اناستاسيا كيم – قىتايلىق سي ءدجينشۋدى 7:5, 6:3 ەسەبىمەن ۇتتى.
تايرا – الماتى تەننيس مەكتەبىنىڭ تۇلەگى، 16 جاستا.
تاعى ءبىر قازاقستاندىق دەنيس ەۆسەەۆ مونتەررەي (مەكسيكا) چەللەندجەر جارىسىنىڭ ىرىكتەۋ سايىسىن ءساتتى باستادى. ول امەريكالىق ەۆان كينگتەن باسىم ءتۇستى – 7:5, 6:3. ەندى ىرىكتەۋ سايىستارىنىڭ فينالىندا يتاليالىق ستەفانو ناپوليتانونى جەڭسە، نەگىزگى دوداعا جولداما الادى.
"ادىرنا" ۇلتتىق پورتالى
