Almatyda 30 jeltoqsannan bastap qatty jäne sūiyq otyndy paidalanuǧa tyiym engızıledı. Būl turaly qalalyq Ekologiia jäne qorşaǧan orta basqarmasy aitty, dep habarlaidy «Adyrna» tılşısı.
Atalǧan talaptar qalanyŋ gazdandyrylǧan aumaqtaryna qatysty qaǧidalardyŋ 52-tarmaǧynda közdelgen. Qūjatqa säikes, gazǧa qosylu mümkındıgı bar jeke tūrǧyn üilerde, monşalarda jäne köppäterlı üilerdı jylytatyn jekelegen qazandyqtarda qatty jäne sūiyq otyndy paidalanuǧa tyiym salynady. Tötenşe jaǧdai kezınde jylu jäne energiiamen jabdyqtaudyŋ rezervtık közderın paidalanuǧa rūqsat etıledı.
«Būl talaptar jylytu qazandyqtaryn paidalanatyn şaruaşylyq subektılerıne de qoldanylady. Şyǧaryndylar közderı lastauşy zattardy tazartu qondyrǧylarymen mındettı türde jabdyqtaluy tiıs. Sonymen qatar, arnaiy tehnika, benzin jäne dizel generatorlary da ekologiialyq talaptarǧa säikes boluy qajet.
Osylaişa, şekteu tek monşaǧa ǧana emes, gazdandyrylǧan aumaqtarda ornalasqan jeke tūrǧyn üilerge de qatysty»,- delıngen habarlamada.
Aita keteiık, qazırgı taŋda Almatydaǧy jeke sektordyŋ gazdandyru deŋgeiı şamamen 99,6%. Būl üi ielerınıŋ basym bölıgınde tabiǧi gazǧa qosyluǧa tehnikalyq mümkındık bar ekenın körsetedı.
