Almaty qalasy, Nūrlytau şaǧyn audanynyŋ aumaǧynda salynyp jatqan köpqabatty tūrǧyn üi 13 jeltoqsan künı sot oryndauşylarynyŋ şeşımımen qiratyla bastady, dep habarlaidy "Adyrna" ūlttyq portaly.
Almaty äkımdıgınıŋ habarlauynşa, nauryz aiynda Qala qūrylysyn baqylau basqarmasy audan aumaǧynda tekseru jürgızgen. Tosynnan tekseru barysynda zaŋdy belşeden basqandardyŋ äreketı äşkerelendı. Tau bökterındegı nysannyŋ zaŋsyz salynyp jatqany anyqtaldy. Keiınnen bırden qūqyq būzuşylyqty joiu turaly ūiǧarym şyǧarylyp, nysan iesı äkımşılık jauapkerşılıkke tartyldy.
Bostandyq audanynyŋ soty nysandy būzudy ūiǧarsa da, nysan iesı kerı şaǧymdanyp, qarsylyq tanytqan. Keiıngı sot otyrysynda qūrylys nysanyn būzu jäne Bostandyq audany sotynyŋ ükımın özgerıssız qaldyru turaly şeşım qabyldandy. Qazır halyqtyŋ jerınde zaŋsyz boi kötergen ǧimarattyŋ ırgesı sögıtılıp, qiratylyp jatyr.
"Adyrna" ūlttyq portaly
Ūqsas jaŋalyqtar
