Almatyda Kökjailau aumaǧynda jüzege asyryluy josparlanǧan Almaty SuperSki tau kurorty jobasy boiynşa qoǧamdyq tyŋdaular aiaqtaldy.
Bırneşe saǧatqa sozylǧan aşyq talqylau barysynda jobaǧa qatysty ekonomikalyq, turistık, äleumettık jäne ekologiialyq mäseleler keŋınen qarastyrylyp, qoǧam ökılderı, sarapşylar, ekologtar, käsıpkerler, sport salasynyŋ mamandary men qala tūrǧyndary öz pıkırlerın bıldırdı.
Tyŋdau qorytyndysy boiynşa qatysuşylardyŋ edäuır bölıgı Almaty tau klasterın damytu bastamasyn qoldap, jobanyŋ megapolis üşın strategiialyq maŋyzy bar ekenın atap öttı. Joba avtorlary men qoldauşylardyŋ pıkırınşe, Almaty SuperSki Almatyny Ortalyq Aziiadaǧy jetekşı tau turizmı ortalyqtarynyŋ bırıne ainaldyruǧa mümkındık beredı.
Talqylau kezınde jobanyŋ negızgı baǧyttarynyŋ bırı – halyqaralyq deŋgeidegı zamanaui tau infraqūrylymyn qalyptastyru ekenı aityldy. Jospar boiynşa jaŋa turistık aimaqta şaŋǧy trassalary, aspaly joldar, servis ortalyqtary, qonaqüiler, qoǧamdyq tamaqtanu oryndary jäne jyl on ekı ai jūmys ısteitın turistık nysandar salynuy mümkın. Sarapşylardyŋ aituynşa, būl Almatyǧa keletın şeteldık jäne ışkı turister sanyn aitarlyqtai arttyruǧa yqpal etedı.
Qoǧamdyq tyŋdau barysynda jobanyŋ ekonomikalyq tiımdılıgıne de erekşe nazar audaryldy. Spikerlerdıŋ mälımetınşe, tau klasterın damytu myŋdaǧan jaŋa jūmys ornyn aşuǧa mümkındık beredı. Äŋgıme tek qūrylys kezeŋındegı uaqytşa jūmys oryndary turaly ǧana emes, sonymen bırge turizm, qonaqüi biznesı, qoǧamdyq tamaqtanu, kölık, sport industriiasy jäne qyzmet körsetu salalaryndaǧy tūraqty jūmys oryndary jaiynda boldy. Keibır qatysuşylardyŋ aituynşa, joba tolyq ıske qosylǧan jaǧdaida 15 myŋǧa juyq adamdy jūmyspen qamtuǧa mümkındık tuuy yqtimal.
Tyŋdauda jastar mäselesı de köterıldı. Qatysuşylardyŋ pıkırınşe, halyqaralyq deŋgeidegı ırı turistık jobalardyŋ jüzege asuy jastarǧa jaŋa käsıbi mümkındık aşyp, olardyŋ şetelge ketu deŋgeiın tömendetuge äser etuı mümkın. Zamanaui infraqūrylym men halyqaralyq servis standarttarynyŋ qalyptasuy Almatyda jaŋa buyn mamandaryn daiarlauǧa jol aşady degen pıkırler aityldy.
Sonymen qatar joba aiasynda ekologiialyq qauıpsızdık mäselelerı de keŋınen talqylandy. Joba ökılderı qūrylys jūmystary halyqaralyq ekologiialyq talaptardy eskere otyryp jürgızıletının, tabiǧi landşaftqa tüsetın jüktemenı azaitu boiynşa arnaiy şaralar qarastyrylǧanyn mälımdedı. Būl baǧyttaǧy qoǧamdyq baqylau men saraptamalyq monitoringtıŋ jalǧasatyny da aityldy.
Tyŋdau barysynda keibır qoǧamdyq belsendıler tarapynan emosionaldy pıkırtalastar men qarsylyqtar bolǧanymen, jiyn jalpy reglamentke säikes öttı. Moderatorlar bırneşe ret tärtıpke şaqyryp, är taraptyŋ pıkır bıldıruıne mümkındık jasady.
Jiyn soŋynda qoǧamdyq tyŋdau resmi türde aiaqtalyp, jobany odan ärı ıske asyruǧa qoldau bıldırıldı. Endıgı kezeŋde tehnikalyq jäne jobalyq qūjattardy äzırleu, memlekettık saraptamalardan ötkızu jäne infraqūrylymdyq daiyndyq jūmystary kezeŋ-kezeŋımen jürgızıledı dep kütılude.
Sarapşylardyŋ pıkırınşe, Almaty SuperSki jobasy tek tau kurorty emes, Almaty ekonomikasyna ūzaqmerzımdı serpın beretın ırı investisiialyq bastama retınde qarastyrylyp otyr. Joba jüzege asqan jaǧdaida Almatynyŋ halyqaralyq turistık kartadaǧy rölı küşeiıp, qala jyl boiy turist qabyldaityn zamanaui megapoliske ainaluy mümkın.
