Bügın, 19 säuır künı Almatyda toǧyzynşy Almaty Half Marathon ötıp, oǧan älemnıŋ 44 elınen 10 000-nan astam adam qatysty. Biyl Almatyǧa 44 elden 900-ge juyq jelaiaq kelıp, toǧyz jyl ışındegı şeteldık qatysuşylar sany boiynşa rekord ornady, dep habarlaidy “Adyrna”.
Qala äkımdıgınıŋ aqparatyna süiensek, 2026 jyly 19 säuırde ötken Almaty Half Marathon-ǧa 44 elden 10 000-nan astam adam jinaldy. Jarys toǧyzynşy ret ūiymdastyrylyp otyr. Qatysuşylardyŋ denı qazaqstandyq bolǧanymen, jyl saiyn qatysuşylar geografiiasy keŋeiıp keledı. Biyl jarysqa 821 şeteldık sportşy (jalpy sanynyŋ şamamen 8%-y) arnaiy qatysu üşın Almatyǧa keldı.
Eŋ köp qatysqan elderdıŋ üştıgı: Resei (346), Qyrǧyzstan (146) jäne Özbekstan (81). Sonymen qatar Qytai (37), AQŞ (32), Ūlybritaniia (28), Ukraina (21) jäne Belarus (18) elderınen de qatysuşylar boldy. Būl doda Aziia, Europa, Soltüstık jäne Oŋtüstık Amerika, Afrika men Taiau Şyǧys elderınen kelgen jelaiaqtardy bırıktırıp, Almatynyŋ halyqaralyq jügıru kartasyndaǧy maŋyzdy ortalyq ekenın taǧy bır märte däleldedı.
"Sporttyq turizm – qalany halyqaralyq deŋgeide tanytudyŋ eŋ tiımdı qūraldarynyŋ bırı. Sondai-aq, jügıruşıler köbıne jalǧyz kelmeidı: olarmen bırge otbasy müşelerı men dostary da keledı, būl öz kezegınde turister sanyn arttyrady. Köptegen şeteldık qonaq üşın būl jarys Qazaqstanmen alǧaşqy tanystyqqa ainalyp, qaita oraluǧa sebep bolady. Bızdıŋ zertteuımızge säikes, basqa qalalardan jäne şetelden kelgen qatysuşylardyŋ 79,3%-y Almatyǧa qaita keludı josparlap otyr. Būl jaŋa saparlar men qalanyŋ investisiialyq tartymdylyǧynyŋ artuyn bıldıredı", – dedı "Bırınşı bolu – batyldyq" korporativtık qory qamqorşylyq keŋesınıŋ töraǧasy Ǧalymjan Esenov.
Sondai-aq, söre aldynda qatysuşylar qajetsız, bıraq jaramdy qalyŋ kiımderın qaldyra aldy – "Jylu" jobasynyŋ komandasy olardy jinap, sūryptap, mūqtaj jandarǧa jetkızdı.
