Osydan 105 jyl būryn, iaǧni, 1915 jyly 4 qaraşada Orynbor qalasynda jurnalist, ädebi mūralardy jinauşy Gülnär Mırjaqypqyzy Dulatova düniege keldı. Alaş qozǧalysy kösemderınıŋ bıregeiı, ūlttyŋ ūly tūlǧasy Mırjaqyptyŋ qyzy degen atqa sai ömır sürgen Gülnar apamyzdy "Adyrna" ūlttyq portaly ūjymy saǧyna eske alady.
Almaty memlekettık medisina institutyn (qazırgı S.D. Asfendiiarov atyndaǧy Qazaq ūlttyq medisinalyq universitet) bıtırgen. 1939-1987 jyldary – därıger-dermatolog qyzmetın atqarǧan. Ol – «Alaş» qozǧalysynyŋ qairatkerlerı Älihan Bökeihanov, Ahmet Baitūrsynūly, Mırjaqyp Dulatov, Jüsıpbek Aimauytov, taǧy basqalar turaly derekterdı alǧaş jariialauşy.
Almatydaǧy Ortalyq mūrajaiǧa, Torǧaidaǧy, Semeidegı, Astanadaǧy mūrajailarǧa saiasi quǧyn-sürgın qūrbandaryna qatysty olardyŋ jeke zattaryn, kıtaptar, suretter, hattar men qūjattar, t.b. köptegen eksponattar tapsyrǧan. Baspasözde Dulatovanyŋ ocherkter men esselerı 1988 jyldan jariialana bastady.
«Svet istiny» («Şyndyq şyraǧy») kıtaby 1995 jyly, 1999 jyly ekı tomdyǧy jaryq kördı. Sondai-aq, ol äkesınıŋ «Oian qazaq!» (Almaty, 1989) kıtabyn, 2 tomdyq şyǧarmalar jinaǧyn (Almaty, 1996, 1997), 5 tomdyq şyǧarmalar jinaǧyn (Almaty, 2004) qūrastyruşylarynyŋ bırı.
2013 jyldyŋ 18 aqpanynda 98 jasqa qaraǧan şaǧynda Alaştyŋ aiauly ūldarynyŋ soŋǧy tūiaqtarynyŋ bırı Gülnär Mırjaqypqyzy Dulatova apamyz almaty qalasynda ömırden öttı.
https://youtu.be/KbF3ZnOmPBw
Ūqsas jaŋalyqtar
