Almatynyŋ Türksıb audanynda jaŋa qalalyq kıtaphana jūmysyn bastady. Būl turaly Almaty qalasy Mädeniet basqarmasynyŋ baspasöz qyzmetı habarlady.
Jaŋa kıtaphana Memleket basşysy Qasym-Jomart Toqaevtyŋ qoǧamda kıtap oqu mädenietın damytuǧa jäne ziiatkerlık äleuettı arttyruǧa baǧyttalǧan «Oqityn ūlt» bastamasy aiasynda aşyldy.
Jaŋa qalalyq kıtaphana – tūrǧyndardyŋ kıtap oquyna, bılım aluyna jäne bos uaqytyn mazmūndy ötkızuıne arnalǧan zamanaui mädeni-aǧartuşylyq keŋıstık. Kıtaphananyŋ jalpy audany 340 şarşy metr, al kıtap qory 10 myŋnan astam basylymdy qamtidy.
Mūnda oqyrmandardyŋ jas erekşelıkterı men qyzyǧuşylyqtary eskerılıp, qazaq, orys jäne şet tılderındegı körkem ädebiet, balalar ädebietı, tanymdyq jäne ǧylymi-köpşılık basylymdar, sondai-aq türlı janrdaǧy zamanaui kıtaptar ūsynylǧan.
Keluşıler üşın jaily oqu zaly, kıtaptardy üige alyp oquǧa mümkındık beretın abonement bölımı, balalarǧa arnalǧan aimaqtar, kompiuterlermen jabdyqtalǧan jūmys orny, arnaiy qūrylǧylar jäne kıtaptardy öz betınşe alyp, qaitaruǧa arnalǧan «aqyldy söreler» qarastyrylǧan. Zamanaui tehnologiia kıtap alu jäne qaitaru üderısın oqyrmandar üşın barynşa yŋǧaily ärı jyldam etedı.
Jaŋa mädeni keŋıstık audan tūrǧyndarynyŋ kıtap oquǧa degen qyzyǧuşylyǧyn arttyruǧa, sondai-aq olardyŋ mädeni jäne ziiatkerlık damuyna qolaily jaǧdai jasauǧa baǧyttalǧan.
Mekenjaiy: Türksıb audany, Qonaev atyndaǧy bau-baqşa kooperativınıŋ aumaǧy, 336/37.
Jūmys uaqyty: kün saiyn saǧat 09:00-den 20:00-ge deiın.
Qazırgı taŋda Almatyda 32 qalalyq kıtaphana jūmys ısteidı. Onyŋ jeteuı täulık boiy, iaǧni 24/7 rejimınde qyzmet körsetedı.
Sonymen qatar tūrǧyndardyŋ kıtapqa qoljetımdılıgın arttyru maqsatynda qalanyŋ sauda ortalyqtarynda kıtap beretın ekı punkt, al keluşıler köp jinalatyn oryndarda özıne-özı qyzmet körsetuge arnalǧan 32 avtonomdy kıtaphana jūmys ısteidı.
Jaŋa kıtaphananyŋ aşyluy Türksıb audany tūrǧyndary üşın bılım men mädeniettı damytuǧa arnalǧan zamanaui keŋıstık qalyptastyryp, kıtaphana qyzmetterınıŋ qoljetımdılıgın arttyruǧa mümkındık beredı.
