Almatyda avtobustyŋ qatysuymen bolǧan jol-kölık oqiǧasy saldarynan alty adam auruhanaǧa jatqyzyldy, dep habarlaidy “Adyrna” ūlttyq portaly qalalyq densaulyq saqtau basqarmasynyŋ baspasöz qyzmetı.
«N18 baǧyttaǧy avtobustyŋ qatysuymen bolǧan jol-kölık oqiǧasy saldarynan qaladaǧy auruhanalarda barlyq tekseruler jürgızılgennen keiın alty eresek adam auruhanaǧa jatqyzyldy. Nauqastarda tömengı jäne joǧarǧy deŋgeidegı aiaq synuy jaraqaty tırkeldı jäne olardyŋ jaǧdaiy ortaşa auyrlyqta dep baǧalanǧan. Olardyŋ barlyǧy tolyq kölemde qajettı em aluda», - delıngen habarlamada.
Qalǧan zardap şekkender ūsynystar alǧannan keiın
tūrǧylyqty jerı boiynşa ambulatorlyq emdeuge jıberıldı. Medisinalyq kömekke barlyǧy 24 adam jügıngen. Bır jäbırlenuşı jedel järdem kelgenşe köz jūmdy.
Esterıŋızge sala keteiık, 26 mausym künı Kia jürgızuşısı Maqataev köşesınen ötıp bara jatyp, 18-şı baǧyttaǧy avtobuspen soqtyǧysyp, keiın ol ǧimaratqa soǧylǧan. Qylmystyq ıs qozǧaldy. Tiıstı saraptamalar taǧaiyndaldy.
Būǧan deiın Almatyda avtobus pen Kia kölıgınıŋ soqtyǧysuy saldarynan 25 adam zardap şegıp, bır adamnyŋ qaza tapqany habarlanǧan bolatyn.
Ūqsas jaŋalyqtar
