foto: yk-news.kz
Almatyda tramvai qozǧalysyn qaita jandandyru josparlanyp otyr. Būl turaly Almaty bas jospar ǧylymi-zertteu institutynyŋ direktory Ashat Säduov halyqaralyq säuletşıler forumynda mälımdedı, dep habarlaidy “Adyrna”.
Onyŋ aituynşa, jaŋa joba "Barlyq" bazarynan bastalyp, Töle bi köşesınıŋ boiymen būrynǧy dälız arqyly qaita jürgızıledı. Būdan bölek, tramvai jelısı äuejaiǧa deiın sozylyp, qalanyŋ şyǧysy men batysyn bailanystyratyn kölık dälızıne ainalmaq. Mamandardyŋ esebınşe, būl jüie tūrǧyndarǧa nebärı 20 minutta dıttegen jerıne jetuge mümkındık bermek.
Aita keteiık, josparlanǧan tramvailar zamanaui akkumuliatorlarmen jabdyqtalyp, elektr avtobustaryndaǧydai qosymşa jürıs qoryna ie bolady.
"Kün saiyn Almatyǧa jarty millionnan astam adam keledı. Olar qalamyzdyŋ ortalyǧynda jūmys ısteidı, bılım alady, türlı ıspen şūǧyldanady. Osyǧan orai, älemdık täjıribede tiımdı ärı zamanaui şeşım retınde däleldengen tramvai jüiesın ıske qosu josparlanyp otyr. Qazır būl jobaǧa qatysty negızdemelık qūjattar äzırlenıp jatyr. Qarjylandyru közderı men kelısımder tüpkılıktı aiqyndalǧannan keiın, aldaǧy 5 jyl ışınde joba jüzege asuy mümkın", - dedı "Almatybasjospar" ǦZİ bas direktory Ashat Säduov.
