Almatyda Audi markaly avtokölık jürgızuşısı Zenkov köşesınde 5 jaiau jürgınşını qaǧyp kettı. Būl turaly qalalyq polisiia departamentı mälımdedı, dep habarlaidy “Adyrna”.
Mälımetke säikes, oŋtüstık baǧytta kele jatqan Audi jürgızuşısı joldyŋ jüru bölıgınde tūrǧan bes jaiau jürgınşını soǧyp ötken.
Kuägerlerdıŋ sözınşe, jolda Audi 80 avtokölıgı bır sätte öşıp qalǧan. Janyndaǧylar jürgızuşıge kömektesıp, kölıktı itergennen keiın ol qaita ot alǧan. Alaida jürgızuşı kölıktı basqara almai alǧa ūmtylyp, jol jiegınde tūrǧan adamdardy qaqqan. Odan keiın kölık jol jiegınde tūrǧan Toyota Granvia şaǧyn avtobusymen soǧysqan. Soqqynyŋ äserınen Toyota janynda tūrǧan Subaru Impreza kölıgıne soǧylǧan.
Oqiǧadan zardap şekken 5 adamǧa alǧaşqy medisinalyq kömek körsetıldı.
Qazırgı uaqytta oqiǧanyŋ barlyq män-jaiyn Medeu audandyq polisiia basqarmasynyŋ qyzmetkerlerı anyqtap jatyr.
Eske salsaq, būǧan deiın Türkıstan oblysynyŋ Arys qalasynda mas küiınde kölık jürgızgen 52 jastaǧy äiel jeke üidıŋ aldynda ornalasqan oryndyqta otyrǧan adamdar tobyn qaǧyp ketken bolatyn. Saldarynan oqiǧa ornynda tört adam, onyŋ ışınde ekı bala men jüktı äiel köz jūmdy.
Sondai-aq Kökşetauda da tūrǧyn üi aulasynda adam ölımıne äkelgen jol-kölık oqiǧasy tırkelgen edı. Avtokölık tūraqqa kıreberıste aldymen bordiurge soǧylyp, keiın äieldı qaǧyp ketıp, üstınen basyp ötken. Zardap şekken äiel oqiǧa ornynda qaza tapty.
Al osy qaiǧyly oqiǧadan bırneşe kün ötken soŋ Kökşetauda taǧy bır kölık jürgızuşısı avtotūraqqa kölıgın qoimaq bolǧan kezde kışkentai balany qaǧyp ketken. Baqytyna qarai, būl joly bala aman qalyp, medisinalyq kömek körsetılgen.
