El prezidentı Qasym-Jomart Kemelūly Almaty qalasyna jūmys saparymen keldı, dep habarlaidy «Adyrna» tılşısı.
Multibrendtı avtomobil zauytynyŋ ırgetasyn qalau räsımıne qatysqan ol sapardyŋ kelesı künı oŋtüstık astananyŋ jūrtşylyǧymen kezdesu ötkızdı.
Jiyn barysynda Memleket basşysy şahardyŋ respublikadaǧy saiasi maŋyzdy qala ekenın tılge tiek ettı.
«Almaty – qasterlı täuelsızdıgımızdıŋ boitūmary bolǧan qala. Almatyda elımız üşın eŋ maŋyzdy şeşımder men qūjattar qabyldandy. Osy jerde Egemendık deklarasiiasyna qol qoiyldy, Täuelsızdıgımız jariialandy. Elımızdıŋ bolaşaǧyn aiqyndaǧan basqa da köptegen taǧdyrly oqiǧalar öttı. Almaty – elımızdıŋ ıskerlık, ruhani, ǧylymi jäne turistık ortalyǧy. Sondyqtan, men qalanyŋ damuyna, onyŋ tırşılıkke qolaily, jaily boluyna airyqşa män beremın»,-dep aitty öz sözınde.
Sonymen qatar Toqaev, qalanyŋ ekonomikalyq äleuetınede toqtalyp, biudjettık kırıstıŋ 25 paiyzdan astamy osy mekenge tiesılı ekenın tılge tiek ettı.
«Almaty – elımızdıŋ ekonomikalyq damuynyŋ qozǧauşy küşı jäne köşbasşysy. Būl qala jalpy ışkı önımnıŋ besten bırın, iaǧni biudjettık kırıstıŋ 25 paiyzdan astamyn jäne sauda-sattyqtyŋ üşten bırın qamtamasyz etedı»,-dep atap öttı.
El tarihynda «Qaŋtar oqiǧasy» degen ataumen qalǧan keşegı köterıŋlısı, maŋǧaz qalanyŋ mamyrajai tırşılıgıne özındık zardabyn tigızgenı aiqyn. Prezident Qasym-Jomart Toqaev atalǧan oqǧadan keiıngı qalanyŋ tynys- tırşılıgınıŋ bır qalypqa kelgenın aityp, «bügıngı taŋda Almaty «Qasırettı qaŋtardan» keiın tolyǧymen qalpyna keltırıldı, qala ekonomikasy tūraqty türde damuda», - dep sözın tüiındedı.
Ūqsas jaŋalyqtar
