Prezident qazaqstandyqtarǧa jäne tıleulestık tanytqan şet memleketterdıŋ basşylaryna alǧys aitty, dep habarlaidy "Adyrna" tılşısı Aqordaǧa sılteme jasap.
Qasym-Jomart Toqaev su tasqynyna qarsy küreste körsetken qoldauy men kömegı üşın qazaqstandyqtarǧa jäne şet memleketterdıŋ basşylaryna rizaşylyǧyn bıldırdı.
"Elımızdıŋ bırqatar öŋırınde tabiǧi apat oryn alǧan sätten berı menıŋ atyma dostas memleketterdıŋ basşylarynan jyly lebızderı men kömek körsetu jönınde ūsynystary jazylǧan hattar kelıp tüsıp jatyr. Qazaqstan joiqyn su tasqyny kezınde järdem beruge daiyn ekenın bıldırgenı üşın dostas elderge şyn jürekten alǧys aitady. Menıŋ tapsyrmam boiynşa Premer-Ministr bastaǧan respublikalyq ştab tötenşe jaǧdaidyŋ saldaryn barynşa azaitu üşın pärmendı şaralar qabyldap jatyr. Zardap şekken barlyq azamatqa qajettı kömek körsetılude. Olardyŋ bükıl şyǧyndary öteledı. Bırde-bır adam nazardan tys qalmaitynyn juyrda otandastaryma arnalǧan ündeuımde aittym. Apatqa qarsy küres jalǧasuda. Qiyn-qystau kezde halqymyz özın taǧy da eŋ jaqsy qyrynan tanytyp, bırlık pen tözımdılıktıŋ ülgısın körsetkenı quantady. Qazaqstan azamattaryna şyn jürekten alǧys aitamyn", – dep jazylǧan Memleket basşysynyŋ Instagram paraqşasynda.
Ūqsas jaŋalyqtar
