2025 jylǧy 21 tamyzda Aqmola oblysynda erıktıler qozǧalysyn damytuǧa arnalǧan aimaqtyq jobanyŋ ekınşı künı «TAZA AQMOLA» atty ekologiialyq aksiiamen jalǧasty. Şaraǧa qatysuşylar öŋır aumaǧynda tazalyq jūmystaryn jürgızıp, qoǧamǧa qorşaǧan ortany qorǧaudyŋ jäne tabiǧatty aialaudyŋ maŋyzdylyǧyn körsettı.
Aksiia barysynda volonterler tabiǧat aimaqtarynda senbılık ūiymdastyryp, ekologiialyq mädeniettı qalyptastyruǧa üles qosty. Būl bastama jastardyŋ tek äleumettık emes, sonymen bırge ekologiialyq jauapkerşılıktı de öz moinyna aluǧa daiyn ekenın däleldedı.
Üzdıkterdı marapattau
Aksiiadan keiın öŋırde qoǧamǧa üles qosqan üzdık erıktıler men ūiymdardy marapattau räsımı öttı. Jeŋımpazdar kelesı atalymdar boiynşa anyqtaldy:
• Saulyq – medisinalyq jäne donorlyq volonterlık qyzmet;
• Bilim – bılım beru jäne aǧartuşylyq bastamalar;
• Sabaqtastyq – tälımgerlık pen jas buynǧa qoldau;
• Qamqor – äleumettık kömek körsetu;
• Taza Álem – ekologiialyq jobalar;
• Umit – inkliuzivtı volonterlık bastamalar;
• Korporativtık volonterlık – ūjymdyq bastamalardy ūiymdastyru;
• Asyl Mura – tarihi-mädeni mūrany saqtau.
Būl marapattar – volonterlerdıŋ qoǧam damuyna qosqan eŋbegın moiyndaudyŋ naqty dälelı boldy.
Jobanyŋ ekınşı künı jastardyŋ tabiǧatqa degen qamqorlyǧyn arttyryp qana qoimai, öŋırde ekologiialyq mädeniettı damytuǧa serpın berdı. Sonymen bırge marapattau räsımı erıktıler eŋbegınıŋ baǧalanatynyn jäne olardyŋ bastamalaryna qoǧam tarapynan qoldau bar ekenın körsettı.
