2025 jylǧy 20–21 tamyz künderı Aqmola oblysynda jastardyŋ qoǧamdyq belsendılıgın arttyruǧa, erıktılık mädenietın damytuǧa baǧyttalǧan ekı kündık aimaqtyq joba ūiymdastyryldy. «Erıktıler – qoǧamnyŋ jüregı, bolaşaqtyŋ tıregı» atty ıs-şara Aqmola oblysy bılım basqarmasyna qarasty jyl boiy balalar sauyqtyru lagerınıŋ bazasynda öttı.
Jobanyŋ negızgı maqsaty – öŋır jastary arasynda erıktılık qūndylyqtaryn därıpteu, äleumettık bastamalardy qoldau jäne täjıribe almasuǧa mümkındık beretın orta qalyptastyru boldy. Auqymdy şaraǧa oblystyŋ barlyq audandarynan kelgen erıktıler, jastar resurstyq ortalyqtarynyŋ mamandary, ükımettık emes ūiymdar ökılderı men memlekettık organdardyŋ basşylary qatysty.
Jobanyŋ aşylu saltanatynda Aqmola oblysy ışkı saiasat basqarmasy basşysynyŋ orynbasary Kenjebaev Sabyrhan Meiırhanūly jäne Volonterlerdı qoldau ortalyǧy front-keŋsesınıŋ basşysy Hamzin Didar Ahmetūly qūttyqtau söz söilep, jastardy belsendı azamattyq ūstanym tanytuǧa şaqyrdy.
Jobanyŋ alǧaşqy künınde erıktılık qyzmetın jetıldıruge arnalǧan oqytu seminarlary öttı. Spikerler qatarynda:
• Mironiuk Tatiana, «Ūlttyq volonterlık jelı» ÜEŪ direktory;
• Dosymbetov Aibek, «Ūlttyq volonterlık jelı» ÜEŪ atqaruşy direktory;
• Jaǧupar Danial, esirtkisiz.aqmola front-ofisınıŋ basşysy;
• Bekişev Sūltanbek, «Jastar Ruhy» jastar qanatynyŋ töraǧasy boldy.
Olar öz täjıribelerımen bölısıp, erıktıler qozǧalysyn jüielı türde ūiymdastyrudyŋ zamanaui täsılderı, äleumettık jobalardy tiımdı jüzege asyru tetıkterı, sondai-aq jaŋa ädıstemeler men qūraldar jaiynda oi qozǧady. Qatysuşylar toptyq jūmysqa, pıkırtalas alaŋdaryna belsene qatysyp, öŋırde erıktılıktı damytuǧa qatysty öz ūsynystaryn ortaǧa saldy.
Aimaqtyq jobanyŋ qorytyndysynda qatysuşylar alǧan bılımderı men täjıribesın öŋırdegı äleumettık bastamalardy jüzege asyruǧa jūmsauǧa niettı ekenın bıldırdı. Būl basqosu Aqmola oblysynda erıktıler qozǧalysynyŋ damuyna tyŋ serpın berıp qana qoimai, jastardyŋ jaŋa ideialaryna jol aşty.
Jastardyŋ belsendılıgı men qoǧam aldyndaǧy jauapkerşılıgı – bolaşaq Qazaqstannyŋ myqty tıregı ekenı taǧy bır märte aiqyndaldy.
