Öŋırde 2025–2026 jyldardaǧy jylytu mausymynyŋ qorytyndysy boiynşa jylu jetkılıksız berılgenıne bailanysty tūtynuşylardyŋ jylumen jabdyqtau qyzmetıne tölemı qaita esepteledı.
Esepteu jylu energiiasyn esepke alu qūraldary joq tūrmystyq tūtynuşylar üşın syrtqy auanyŋ naqty temperaturasy eskerılıp jürgızıldı. Būl turaly Öŋırlık kommunikasiialar qyzmetınıŋ brifingınde QR Ūlttyq ekonomika ministrlıgı Tabiǧi monopoliialardy retteu komitetınıŋ Aqmola oblysy boiynşa departamentı basşysynyŋ orynbasary Andrei Şevchenko mälımdedı.
Biyl qaita esepteletın soma ötken jylmen salystyrǧanda şamamen 70%-ǧa tömen boldy. Sonymen qatar departament retteletın 150 qyzmettı körsetetın 69 tabiǧi monopoliia subektısınıŋ jūmysyn baqylaudy jalǧastyruda. Olardyŋ qatarynda jylumen jabdyqtau, sumen jabdyqtau jäne su būru, sondai-aq elektr energiiasyn beru qyzmetterı bar.
«Bız körsetılgen qyzmetterdıŋ naqty kölemın belgılengen normativtermen salystyramyz. Eger jyludyŋ jetkılıksız berılgenın anyqtasaq, tūtynuşylarǧa qaita esepteu jürgızıledı. Būl tek eseptelgen tölemdı ǧana emes, körsetılgen qyzmettıŋ naqty sapasyn da eskeruge mümkındık beredı», - dedı Andrei Şevchenko.
Sonymen qatar oblysta tozu deŋgeiı joǧary kommunaldyq infraqūrylymdy jaŋartu jūmystary jürgızılude. Elektrmen jabdyqtau jelılerınıŋ tozuy orta eseppen 59%, sumen jabdyqtauda 53%, su būru jüielerınde 61%, al jylumen jabdyqtauda 53% qūraidy. Biyl 2,2 myŋ şaqyrymnan astam jelı men 600-ge juyq jabdyqty jöndeu josparlanǧan.
«Bız üşın tariftık qarajattyŋ tūtynuşynyŋ igılıgıne naqty jūmys ısteuı maŋyzdy. Iаǧni qarajat jelılerdı jöndeuge, jabdyqtardy jaŋartuǧa jäne kommunaldyq qyzmetterdıŋ senımdılıgın arttyruǧa baǧyttaluy kerek. Sondyqtan käsıporyndardyŋ şyǧyndaryn mūqiiat qarap, qabyldanǧan baǧdarlamalardyŋ oryndaluyn baqylauda ūstaimyz», - dep atap öttı spiker.
Biyl sondai-aq 2022–2026 jyldarǧa bekıtılgen ūzaq merzımdı tarifterdıŋ qoldanylu merzımı aiaqtalady. Qazır mamandar infraqūrylymnyŋ jaǧdaiy men tūtynuşylardyŋ müddelerın eskere otyryp, käsıporyndardyŋ kelesı bes jyldyq kezeŋge arnalǧan jaŋa ötınımderın qarastyruda.
