Qasym-Jomart Toqaev Respýblıkalyq qoǵamdyq shtabqa bardy

5334
Adyrna.kz Telegram

Qasym-Jomart Toqaev Respýblıkalyq qoǵamdyq shtabqa baryp, kezekten tys Prezıdent saılaýyndaǵy «Ashyq qoǵam» aımaqtyq zertteýler halyqaralyq ınstıtýty júrgizgen Exit poll-dyń qorytyndysymen tanysty.

Exit poll-dyń nátıjesi jarııalanǵannan keıin Respýblıkalyq qoǵamdyq shtab músheleriniń aldynda sóılegen sózinde Qasym-Jomart Toqaev búgin erekshe, tarıhı naýqan ótkenin atap ótti.

– Bul naýqannyń bizdiń tarıhymyzda qalatyny sózsiz. Exit Poll-dyń aldyn ala nátıjesi shyqty. Árıne, resmı qorytyndyny kútemiz. Degenmen qazirdiń ózinde halqymyz maǵan Prezıdent retinde jáne barshańyzǵa úlken senim artty dep aıtýǵa bolady. Halyqtyń senimi – bul eń qundy nárse. Sondyqtan halyqtyń senimin bárimiz aqtaýymyz kerek. Búgin, mine 21 qarashadan bastap bárimiz jumysqa kirisýimiz qajet, – dedi Qasym-Jomart Toqaev.

Sonymen qatar myqty memleket quramyz desek, eń aldymen, ádildik ornatý qajet ekenin, onsyz eshqandaı da reforma bolmaıtynyn aıtty. Onyń aıtýynsha, bárimiz bir ult, bir qoǵam bolyp iske kirisýimiz qajet.

Qasym-Jomart Toqaev ózine úlken senim artqany úshin koalıııaǵa rızashylyǵyn bildirdi.

– Qoǵamdyq shtabqa, senimdi ókilderime, eriktilerge raqmet aıtamyn. Sizder elimizdiń ár túkpirine bardyńyzdar. Aýyl-aımaqtar, shalǵaı eldi mekender nazardan tys qalǵan joq. El arasynda úgit-nasıhat júrgizdińizder. Bul – úlken jumys. Ony men eshqashan umytpaımyn. Sol sebepti búgingi kórsetkish – bárimizge ortaq jeńis, – dedi Qasym-Jomart Toqaev.

 

Onyń pikirinshe, saılaý zańǵa sáıkes ótti. Qazaqstan Respýblıkasynyń Prezıdenttigine úmitkerlerge birdeı múmkindik berildi.

– Olar aımaqtardy emin-erkin aralady. Saılaýshylarmen kezdesip, úgit-nasıhat júrgizdi. Iaǵnı, eshkimge shekteý qoıylǵan joq. Árbir saılaýshyǵa óz tańdaýyn jasaýyna erkindik berildi. Sondyqtan bul naýqan erekshe ádil, ashyq ótti, – dedi Qasym-Jomart Toqaev.

 

Qasym-Jomart Toqaev Prezıdent saılaýy jańa saıası dáýirge jol ashatynyn aıtyp, aldaǵy ýaqytta basty bılik ınstıtýttary túgel jańǵyrtylatynyn jetkizdi.

– Konstıtýııalyq reformany tolyǵymen jáne naqty júzege asyramyz. Elimizdiń saıası qurylysyn jańa qalypqa túsiremiz. Ekonomıkany túbegeıli ózgertemiz. Halqymyzdyń ál-aýqatyn arttyramyz. Sonyń bárin oıdaǵydaı atqarý úshin bizge birlik kerek. Sondyqtan árdaıym birge bolaıyq! – dedi Qasym-Jomart Toqaev.

 

Sóziniń sońynda ol sharaǵa qatysýshylardy Jańa, Ádiletti Qazaqstandy birge qurýǵa shaqyryp, baq-bereke tiledi.

Pikirler