Elımız boiynşa BAQYLA qozǧalysy 5 myŋnan astam baqylauşyny jüielı oqytyp, arnaiy uchaskelerge joldady. 20 qaraşada ötken kezekten tys prezident sailauynda sailau prosesın baqylauǧa aralasyp, respublika boiynşa 27 qala men eldı-mekendı qamti aldy.
Būǧan deiın Ortalyq sailau komissiiasy Qazaqstan boiynşa 10 myŋnan astam sailau uchaskelerı bar ekenın mälımdedı. Bız sonyŋ 3,2 myŋǧa juyq uchaskesın, iaǧni 30 paiyzyn qamti aldyq dep aita alamyz.
Sailau prosesı bız kütkendei tartysty ötpedı. Öitkenı Toqaevtan basqa ümıtkerlerdıŋ tanymaldyǧynyŋ tömen boluy ärı nauqan barysynda jürgızgen ügıt-nasihattyŋ osaldyǧy sebep boldy degen pıkırdemız. Oǧan qosa, sailau nauqany ekı aiǧa juyq uaqytqa sozylǧanyna qaramastan, sailauşylar keibır ümıtkerlerdıŋ esımın jattap ta ülgermedı.
Ümıtkerler arasynda küres qyzu şyqpaǧan soŋ, sailau künı baqylau prosesı de asa tartysty bolmady. Ümıtkerlerge qatysty dauys sanaudy būrmalaudyŋ qajettılıgınıŋ joqtyǧynan da bolar, ötken sailaumen salystyrǧanda zaŋ būzuşylyq ta azyraq tırkeldı.
Baqylauşylardy sailau uchaskelerıne kırgızbei, olarǧa hattama bermei, uaqytynan būryn şyǧaryp jıberuge tyrysu boiynşa ondaǧan faktıler tırkeldı. Osyndai zaŋ būzuşylyqtardyŋ köbı sailau uchaskesınde şeşıldı.
Bız azamattyq qoǧamnyŋ qalyptasyp, beki tüsu üşın sailaudy baqylau maŋyzdy röl atqarady dep sanaimyz. Aldaǧy kezekten tys Parlament sailauy kezınde de baiqauşylar institutyn nyǧaituǧa barynşa atsalysamyz degen niettemız.
Dos KÖŞIM: «Baqylauşylardy daiyndau üşın qaşyqtan oqytu arqyly qazaq jäne orys tılderınde bırneşe trening ötkızıldı. Oǧan BAQYLA qozǧalysyna kıretın ükımettık emes qoǧamdyq bırlestıkterdıŋ oblystyq, qalalyq deŋgeidegı trenerlerı qatysty. Qatysuşylardyŋ sūraqtaryna jauap berılıp, treningterdıŋ elektrondy jazbasy barlyq öŋırlerge taratyldy. Olar bız daiyndaǧan «Baqylauşy däpterı» negızınde jürgızıldı.
Dinara ÖMIRZAQOVA, Petropavl qalasy: «Bız BAQYLA-ny halyq arasynda tanytu jūmystaryn jürgızdık, sonyŋ arqasynda qatarymyz tolyp, belsendılerdı oqyttyq. Baqylauşylardyŋ jasy 19-dan bastaldy, köbısı 30-dan asqan. Qalamyzda 84 sailau uchaskesı bar, barlyǧyn qamtydyq. Būl bızdıŋ alǧaşqy täjıribemız. Bız sailaudyŋ ädıl ötkenın qaladyq, sol üşın baiqauşy boldyq.
Baqytjan BŪQARBAI: «Baiqauşylar saiasi tartys bolǧan jerde ǧana pısedı. Ökınışke qarai, biylǧy sailau bäsekelı bolmady. Qalai bolsa da, belsendı azamattardyŋ yntasyn öşırıp almau kerek, sol sebeptı biylǧy baiqauşylyqtyŋ bır erekşelıgı – azamattyq qoǧam men sailaudy baqylau maŋyzy turaly, sailau kezınde bolatyn jaǧdailardy taldap beretın köptegen därıster oqyldy».
Aslan ZULKAŞEV, Aqtöbe qalasy: «Men mektep kezınen berı belsendı boluǧa ūmtyldym. Öskende käsıp aştym, blog jürgızıp, auditoriiamdy keŋeittım. Saiasi ürdıske aralasyp, sol arqyly da elımızge paidamdy tigızgım keldı. Aqtöbe halqy nauqanǧa belsendı aralasady dep kütpedım. Bıraq adam jinauda eş qiyndyq körmedık. Aramyzda täjıribelı baqylauşylar da boldy. Jūmys barysynda bır-bırımızge dos bop kettık.
Erlan ÖMIRJANŪLY, Semei qalasy: «Baiqauşynyŋ maqsaty ne?» degen sūraqtyŋ jauaby – ädıl sailaudyŋ ötuın baqylau. Bız osyny jastarǧa jetkızgımız keldı, öitkenı köbısı mūnyŋ maŋyzyn bıle bermeidı, bılse de beiqam qaraidy».
