Almatyda 12 jastaǧy balanyŋ ölımıne qatysty qylmystyq ıs tergelıp jatyr, dep habarlaidy "Adyrna".
Qaiǧyly oqiǧa turaly aqparat 2026 jylǧy 11 mausymda äleumettık jelılerde tarady.
Jelı qoldanuşylarynyŋ mälımetınşe, 10 mausym künı keşke 12 jastaǧy balaǧa şabuyl jasalǧan. Keibır derekterde oǧan 13 jastaǧy ekı jasöspırım toǧyz ret pyşaq sūqqany aitylǧan. Sondai-aq küdıktılerdıŋ jasyna bailanysty olardyŋ zaŋ aldynda tiıstı jazaǧa tartylmauy mümkın degen pıkırler de aityldy.
Almaty qalalyq Polisiia departamentınıŋ mälımetınşe, qylmys 10 mausym künı Türksıb audanynda bolǧan.
"Qylmys jasady degen küdıkpen Almaty qalasynyŋ 13 jastaǧy tūrǧyny ūstaldy. Aldyn ala mälımet boiynşa, küdıktı men marqūm bır-bırın būrynnan tanyǧan. Jasöspırımder arasynda tuyndaǧan janjal barysynda jäbırlenuşıge pyşaq jaraqattary salynǧany anyqtaldy. Qazırgı uaqytta küdıktı arnaiy mekemege ornalastyryldy. Atalǧan derek boiynşa adam öltıru faktısımen qylmystyq ıs qozǧaldy. Oqiǧanyŋ barlyq män-jaiyn jan-jaqty jäne obektivtı anyqtau maqsatynda tergeu amaldary jürgızılıp jatyr", – dep habarlady polisiia.
Sonymen qatar, tergeu nätijesıne qarai küdıktı jasöspırımnıŋ ata-anasyn balany tiısınşe tärbielemegenı üşın jauapkerşılıkke tartu mäselesı qaralatyny aityldy.
