Almatyda poliseiler Bangkoktan zaŋsyz jetkızılgen 11 kg gaşiş maiyn tärkıledı, dep habarlaidy «Adyrna» tılşısı.
Arnaiy tekseru ıs-şaralary barysynda polisiia qyzmetkerlerı Ūlttyq qauıpsızdık komitetınıŋ Şekara qyzmetımen bırlesıp, Qazaqstannyŋ oŋtüstık astanasyndaǧy halyqaralyq äuejaida esırtkı kontrabandasynyŋ jolyn kesken.
«Bangkok - Almaty reisımen kelgen 20 jastaǧy jaqyn şetel azamaty ūstaldy. Jeke tekseru kezınde odan jalpy salmaǧy şamamen 11 kilogramm bolatyn gaşiş maiy salynǧan 12 plastikalyq ydys tärkılendı. Jyl basynan berı jedel bölınısterdıŋ üilesımdı jūmysynyŋ nätijesınde elımızde esırtkı kontrabandasynyŋ 57 deregı anyqtalyp, joly kesıldı. Atalǧan faktı boiynşa Qazaqstan Respublikasynyŋ Qylmystyq kodeksınıŋ 286-babymen qylmystyq ıs qozǧaldy. Baptyŋ sanksiiasy mülıktı tärkılei otyryp, 20 jylǧa deiın nemese ömır boiyna bas bostandyǧynan aiyru jazasyn közdeidı. Ūstalǧan küdıktı uaqytşa ūstau izoliatoryna qamaldy»,-dedı IIM esırtkı qylmysyna qarsy ıs-qimyl komitetı töraǧasynyŋ orynbasary Eldar Äbdıkenov.
Ol esırtkı trafigı arnalarynyŋ jolyn kesu, transūlttyq qylmystyq toptardyŋ qyzmetıne tosqauyl qoiu jäne memlekettık şekarany qorǧau boiynşa jūmystar jalǧasatynyn atap öttı.
