الماتىدا پوليتسەيلەر بانگكوكتان زاڭسىز جەتكىزىلگەن 11 كگ گاشيش مايىن تاركىلەدى، دەپ حابارلايدى «ادىرنا» ءتىلشىسءى.
ارنايى تەكسەرۋ ءىس-شارالارى بارىسىندا پوليتسيا قىزمەتكەرلەرى ۇلتتىق قاۋىپسىزدىك كوميتەتىنىڭ شەكارا قىزمەتىمەن بىرلەسىپ، قازاقستاننىڭ وڭتۇستىك استاناسىنداعى حالىقارالىق اۋەجايدا ەسىرتكى كونترابانداسىنىڭ جولىن كەسكەن.
«بانگكوك - الماتى رەيسىمەن كەلگەن 20 جاستاعى جاقىن شەتەل ازاماتى ۇستالدى. جەكە تەكسەرۋ كەزىندە ودان جالپى سالماعى شامامەن 11 كيلوگرامم بولاتىن گاشيش مايى سالىنعان 12 پلاستيكالىق ىدىس تاركىلەندى. جىل باسىنان بەرى جەدەل بولىنىستەردىڭ ۇيلەسىمدى جۇمىسىنىڭ ناتيجەسىندە ەلىمىزدە ەسىرتكى كونترابانداسىنىڭ 57 دەرەگى انىقتالىپ، جولى كەسىلدى. اتالعان فاكتى بويىنشا قازاقستان رەسپۋبليكاسىنىڭ قىلمىستىق كودەكسىنىڭ 286-بابىمەن قىلمىستىق ءىس قوزعالدى. باپتىڭ سانكتسياسى مۇلىكتى تاركىلەي وتىرىپ، 20 جىلعا دەيىن نەمەسە ءومىر بويىنا باس بوستاندىعىنان ايىرۋ جازاسىن كوزدەيدى. ۇستالعان كۇدىكتى ۋاقىتشا ۇستاۋ يزولياتورىنا قامالدى»،-دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى ەلدار ابدىكەنوۆ.
ول ەسىرتكى ترافيگى ارنالارىنىڭ جولىن كەسۋ، ترانسۇلتتىق قىلمىستىق توپتاردىڭ قىزمەتىنە توسقاۋىل قويۋ جانە مەملەكەتتىك شەكارانى قورعاۋ بويىنشا جۇمىستار جالعاساتىنىن اتاپ ءوتتى.
