يسپانيانىڭ تولەدو پروۆينتسياسىندا ەكى پويىزدىڭ سوقتىعىسۋى سالدارىنان قازا تاپقاندار سانى كەمىندە 68-گە جەتتى. بۇل تۋرالى BBC جازدى، دەپ حابارلايدى «ادىرنا» ءتىلشىسى.
اپات 28 قازاندا جەرگىلىكتى ۋاقىت بويىنشا ساعات 08:54-تە بولعان.
El Español باسىلىمىنىڭ مالىمەتىنشە، مەملەكەتتىك Renfe كومپانياسىنا تيەسىلى AVE جۇردەك پويىزى Iryo كومپانياسىنىڭ تەمىرجولدا توقتاپ تۇرعان قۇرامىنىڭ سوڭعى ۆاگونىنا سوعىلعان. سوقتىعىس سالدارىنان Iryo پويىزىنىڭ ەكى ۆاگونى رەلستەن شىعىپ كەتكەن.
ەكى پويىزدا بارلىعى 544 جولاۋشى بولعان.
قازىر وقيعا ورنىندا شۇعىل قىزمەتتەر جۇمىسىن جالعاستىرىپ جاتىر. قۇتقارۋشىلار ۇيىندىلەردىڭ استىندا قالىپ قويۋى مۇمكىن ادامداردى ىزدەستىرۋدە.
بۇعان دەيىن سىرتقى ىستەر مينيسترلىگى يسپانياداعى تەمىرجول اپاتىندا قازا تاپقانداردىڭ اراسىندا قازاقستان ازاماتتارى جوق ەكەنىن ايتقان ەدى.
