اقش-تىڭ وڭتۇستىگىندەگى فلوريدا شتاتىنىڭ گرينەيكرس قالاسىندا Learjet 60 جەكە ۇشاعى جىلجىمالى ۇيلەر ورنالاسقان تۇرعىن اۋدانعا قۇلادى. بۇل تۋرالى New York Post جازدى، دەپ حابارلايدى «ادىرنا» ءتىلشىسى.
اپات ورنىندا ءورت شىعىپ، ۇيلەردىڭ ءۇستىن قويۋ قارا ءتۇتىن باسقان. باسىلىمنىڭ مالىمەتىنشە، توعىز ادام قازا تاپقان.
ۇشاق تەحاس شتاتىنىڭ وستين قالاسىنان باگام ارالدارىنا باعىت العان. قۇلاۋ الدىندا Learjet ۇشاعى اعاشقا سوعىلىپ، ەلەكتر جەلىلەرىن ءۇزىپ كەتكەن. كەيىن تۇرعىن ءۇي تىركەمەلەرىنىڭ بىرىنە بارىپ سوعىلعان. الدىن الا مالىمەت بويىنشا، كەم دەگەندە ءبىر جىلجىمالى ءۇي تولىعىمەن قيراعان.
BocaNewsNow باسىلىمىنىڭ جازۋىنشا، ۇشاق اۋەدە كۇرت وڭعا بۇرىلىپ، شامامەن 2,4 مىڭ مەتر بيىكتىكتەن جىلدام تومەندەي باستاعان.
ۇقساس جاڭالىقتار
