ۆاشينگتوندا مۇحتار اۋەزوۆتىڭ شىعارماشىلىعى ناسيحاتتالدى، دەپ حابارلايدى “ادىرنا” ۇلتتىق پورتالى.
كورنەكتى قازاق جازۋشىسى مۇحتار اۋەزوۆتىڭ تۋعانىنا 125 جىل تولۋىن مەرەكەلەۋ اياسىندا قازاقستاننىڭ اقش-تاعى ەلشىلىگى دجوردج ۆاشينگتون ۋنيۆەرسيتەتى جانىنداعى اباي ورتالىعىمەن بىرلەسىپ، كلاسسيكتىڭ شىعارماشىلىق مۇراسىن تالقىلاۋعا ارنالعان ونلاين دوڭگەلەك ۇستەل ۇيىمداستىردى.
ءىس-شارانىڭ نەگىزگى ماقساتى – جازۋشىنىڭ تاعىلىمىن جانە وي-تالعامدارىن كەڭىنەن دارىپتەۋ ارقىلى قازاق حالقىنىڭ مادەنيەتى، رۋحاني ورەسى مەن ۇلتتىق قۇندىلىقتارىن ناسيحاتتاۋ.
دوڭگەلەك ۇستەلگە قاتىسقان قازاقستان مەن اقش-تىڭ اكادەميالىق قاۋىمداستىقتارىنىڭ وكىلدەرى قازاق جازۋشىسىنىڭ عىلىمي-شىعارماشىلىق مۇراسىن تالقىلاپ، ونىڭ قازىرگى الەمدەگى وزەكتىلىگىن اتاپ ءوتتى.
ءىس-شارانى اشا وتىرىپ، قازاقستان ەلشىسى ەرجان اشىقباەۆ م.اۋەزوۆتىڭ قازاق ادەبيەتىنىڭ دامۋ تاريحىنا قوسقان زور ۇلەسىن اتاپ ءوتتى. سونداي-اق شەتەلدىك جاس ادەبيەتتانۋشىلار مەن تىڭداۋشىلاردى جازۋشىنىڭ شىعارماشىلىعىن ءارى قاراي زەرتتەۋگە شاقىردى.
تالقىلاۋعا م. اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى كەنجەحان ماتىجانوۆ، م. اۋەزوۆ مۇراجاي-ءۇيىنىڭ ديرەكتورى ديار قوناەۆ، انكارا حاجى بايرام ۆەلي ۋنيۆەرسيتەتىنىڭ وقىتۋشىسى گۇلجانات قۇرمانعاليەۆا-ەرجيلاسۋن، دجوردج ۆاشينگتون ۋنيۆەرسيتەتىنىڭ سلاۆيان تىلدەرى، كينوتانۋ جانە حالىقارالىق قاتىناستار ءبولىمىنىڭ پروفەسسورى پەتەر روللبەرگ، ءال-فارابي ۋنيۆەرسيتەتىنىڭ پروفەسسورى قانيپاش مادىباەۆا، جازۋشى نۇربولات اقىش جانە فيلولوگيا عىلىمدارىنىڭ دوكتورى الۋا تەمىربولات قاتىستى.
پىكىر الماسۋدىڭ مودەراتورى رەتىندە دجوردج ۆاشينگتون ۋنيۆەرسيتەتى جانىنداعى ەۋروپالىق، رەسەيلىك جانە ەۋرازيالىق زەرتتەۋلەر ينستيتۋتىنىڭ (IERES) ديرەكتورى مارلەن لارۋەل بولدى.
