الماتى قالاسىندا JUZ40 EdTech كومپانياسى ۇيىمداستىرعان رەسپۋبليكالىق وليمپيادا ءساتتى اياقتالدى. 24–27 ناۋرىز ارالىعىندا وتكەن فينالعا ەلىمىزدىڭ بارلىق وڭىرىنەن ىرىكتەلىپ شىققان 100 ۇزدىك وقۋشى قاتىستى. وليمپياداعا قاتىسۋ تولىق تەگىن - بارلىق شىعىندى JUZ40 كومپانياسى ءوز موينىنا الدى.
وليمپيادا تۋرالى
ىرىكتەۋ كەزەڭى 9–21 اقپان ارالىعىندا ونلاين فورماتتا ءوتىپ، وعان قازاقستاننىڭ بارلىق وبلىستارى مەن رەسپۋبليكالىق ماڭىزى بار قالالارىنان 10 مىڭنان استام وقۋشى قاتىستى. قاتىسۋشىلار ماتەماتيكالىق ساۋاتتىلىق، وقۋ ساۋاتتىلىعى، قازاقستان تاريحى جانە بەيىندىك پاندەر بويىنشا تەست تاپسىردى. ىرىكتەۋ قورىتىندىسى بويىنشا ەڭ جوعارى ناتيجە كورسەتكەن 100 وقۋشى الماتىداعى فينالعا جولداما الدى.
فينال باعدارلاماسى
ءۇش كۇنگە سوزىلعان فينال تەستىلەۋمەن شەكتەلمەدى. اشىلۋ سالتاناتى SDU ۋنيۆەرسيتەتىندە، جابىلۋ جانە ماراپاتتاۋ ءراسىمى NURORDA مەكتەپ-ليتسەيىندە ءوتتى. باعدارلاما اياسىندا وقۋشىلار جوعارى وقۋ ورىندارىنا كامپۋس-تۋر جاساپ، بولاشاق ماماندىعى تۋرالى باعدار الدى. فيناليستەرگە ءۇش كۇن بويى جاتىن ورىن، تاماقتانۋ جانە قاۋىپسىزدىك تولىق قامتاماسىز ەتىلدى.
جەڭىمپازدار
وليمپيادانىڭ جۇلدە قورى 2 ميلليون تەڭگەدەن استى:
● 1-ورىن — تەميرحانوۆا ايگەريم، ماڭعىستاۋ وبلىسى — 1 000 000 تەڭگە،
● 2-ورىن — امانجول ايتباي، قىزىلوردا وبلىسى — 700 000 تەڭگە
● 3-ورىن — ساپارگاليەۆا دايانا، سولتۇستىك قازاقستان وبلىسى — 500 000 تەڭگە
جەڭىمپازدارعا جانە پاندىك كومبيناتسيالار بويىنشا ەڭ جوعارى ناتيجە كورسەتكەن قاتىسۋشىلارعا JUZ40 ورتالىعىندا 100% تەگىن وقۋ مۇمكىندىگى بەرىلدى. قالعان فيناليستەرگە 50%، 30% جانە 20% كولەمىندە وقۋ جەڭىلدىكتەرى ۇسىنىلدى.
كومپانيا باسشىسىنىڭ پىكىرى
«10 مىڭنان استام وقۋشىنىڭ ىشىنەن ىرىكتەلىپ شىققان 100 فيناليست ءۇش كۇن بويى ءبىلىمىن، توزىمدىلىگىن جانە ەرىك-جىگەرىن كورسەتتى. JUZ40 سەگىز جىل بويى 180 مىڭنان استام وقۋشىمەن جۇمىس جاسادى، وسىنداي دارىنداردى كورگەن سايىن تاڭداعان جولىمىزدىڭ دۇرىس ەكەنىنە كوزىمىز جەتەدى. ءبىزدىڭ ماقساتىمىز - قارجىلىق مۇمكىندىگىنە قاراماستان، ءاربىر دارىندى وقۋشىعا جول اشۋ. بۇل وليمپيادا الداعى ۋاقىتتا دا جىل سايىن ءداستۇرلى تۇردە جالعاسادى»، - دەدى JUZ40 EdTech كومپانياسىنىڭ نەگىزىن قالاۋشى مۋساەۆا جۇلدىزاي.
جۇلدىزاي مۋساەۆا، JUZ40 EdTech كومپانياسىنىڭ نەگىزىن قالاۋشى
مامان پىكىرى
«وليمپيادا وقۋشىلار ءۇشىن تەك ءبىلىمىن تەكسەرۋ ەمەس، اكادەميالىق جولىنداعى العاشقى ۇلكەن قادامى بولدى. فيناليستەر بەيىندىك پاندەرمەن قاتار نەگىزگى پاندەرگە دە دايىندالۋ قاجەتتىگىن تەرەڭ ءتۇسىندى. جەڭىمپازداردى شىن جۇرەكتەن قۇتتىقتايمىز»، - دەدى JUZ40 كومپانياسىنىڭ ماتەماتيكالىق ساۋاتتىلىق ءپانىنىڭ جەتەكشى مۇعالىمى دۋلات مۇراتوۆ.
