ارمەنيا پرەمەر-ءمينيسترى نيكول پاشينيان الداعى ماۋسىم ايىندا وتەتىن پارلامەنت سايلاۋىندا ءوزى جەتەكشىلىك ەتەتىن «ازاماتتىق كەلىسىم» پارتياسى اتىنان پرەمەر-مينيسترلىككە كانديدات رەتىندە ۇسىنىلدى، دەپ حابارلايدى “ادىرنا” پورتالى «ينتەرفاكسقا» سىلتەمە جاساپ.
«ازاماتتىق كەلىسىم” پارتياسىنىڭ ىشكى سايلاۋىنىڭ ەكى كەزەڭى اياقتالىپ، قورىتىندىلارى شىعارىلدى. ماعان تاعى دا سەنىم ارتقان پارتيالاس دوستارىما العىسىمدى بىلدىرەمىن. “ازاماتتىق كەلىسىم” پارتياسىنىڭ سايلاۋ ءتىزىمىن باسقارۋ جانە ارمەنيا رەسپۋبليكاسىنىڭ پرەمەر-ءمينيسترى لاۋازىمىنا كانديدات بولۋ قۇرمەتىنە يە بولعانىما ريزامىن»، – دەپ جازدى پاشينيان الەۋمەتتىك جەلىدە.
ارمەنيادا پارلامەنت سايلاۋى 7 ماۋسىمعا جوسپارلانعان.
سايلاۋ قورىتىندىسى بويىنشا پارلامەنتتە كوپشىلىك ورىن العان ساياسي كۇش رەسپۋبليكا پرەمەر-ءمينيسترىن سايلاۋ قۇقىعىنا يە بولادى.
