الماتى وبلىسىندا تەمىرجول وتكەلىندە اۆتوبۋس پەن پويىز سوقتىعىسىپ، سالدارىنان التى ادام ءتۇرلى جاراقات الدى، دەپ حابارلايدى "ادىرنا" ۇلتتىق پورتالى.
جول-كولىك وقيعاسى بورالداي كەنتى ماڭىندا بولعان. وقيعا ورنىنان تۇسىرىلگەن ۆيدەو الەۋمەتتىك جەلىلەردە تارادى.
الماتى وبلىسى پوليتسيا دەپارتامەنتىنىڭ مالىمەتىنشە، الماتى – بورالداي – شامالعان ستانتسياسى باعىتىنداعى اۆتوجولداعى تەمىرجول وتكەلىندە جول ەرەجەسىن بۇزعان مارشرۋتتىق اۆتوبۋس جۇرگىزۋشىسى اكىمشىلىك جاۋاپكەرشىلىككە تارتىلعان.
ۆەدومستۆونىڭ ءباسپاسوز قىزمەتى حابارلاعانداي، كومىر ستانتسياسىنان شىققان پويىز وتكەل ارقىلى قوزعالىپ كەلە جاتقان. وسى ساتتە مارشرۋتتىق اۆتوبۋستىڭ جۇرگىزۋشىسى جول بەرمەي، سوقتىعىسۋعا جول بەرگەن.
قازىرگى ۋاقىتتا وقيعانىڭ ءمان-جايىن انىقتاۋ ءۇشىن تەكسەرۋ جۇمىستارى جۇرگىزىلۋدە.
