برازيليادا جاستار مەن جاسوسپىرىمدەر اراسىنداعى الەم چەمپيوناتىندا قازاقستاندىق سەمسەرلەسۋشى تاريحي جۇلدەگە قول جەتكىزدى، دەپ حابارلايدى "ادىرنا".
ەلىمىزدىڭ اتىنان سىنعا تۇسكەن نۇرمۇحاممەد جايلىباي جەكەلەي سىندا جارتىلاي فينالعا جولداما العان ەدى.
ول جارتىلاي فينالدا تۇرىك ەلىنىڭ وكىلى يامان فۋركامەن ءوزارا مىقتىنى انىقتادى. الايدا نۇرمۇحاممەد تارتىسقا تولى باسەكەدە 13:15 ەسەبىمەن قارسىلاسىنا جول بەردى. دەگەنمەن جەرلەسىمىز الەم چەمپيوناتىنىڭ قولا جۇلدەسىن ەنشىلەدى.
جارىستان كەيىن نۇرمۇحاممەد جايلىباي قولداۋ كورسەتكەن بارلىق جانكۇيەرگە العىسىن ءبىلدىردى.
"مەن ءالى كۇنگە دەيىن جۇلدەگە قول جەتكىزگەنىمە سەنە الماي تۇرمىن. بۇل وتە كەرەمەت سەزىم. مەن ءۇشىن ەڭ قيىن شايقاس جارتىلاي فينال بولدى. سەبەبى قاتتى قىسىممەن قاتار ماعان سەنىم ارتىپ وتىرعان جانداپدىڭ ۇكىلەگەن ءۇمىتىن ابىرويمەن الىپ شىعۋ كەرەك بولدى. مەن بۇل جەتىستىگىمە وتە قۋانىشتىمىن. قولداۋ كورسەتكەندەرىڭىز ءۇشىن بارشاڭىزعا راقمەت!", – دەدى نۇرمۇحاممەد جايلىباي.
ايتا كەتەيىك، بۇل ەلىمىز ءۇشىن تاريحي جۇلدە. سەبەبى سەمسەرلەسۋدەن جاستار مەن جاسوسپىرىمدەر اراسىنداعى ءدۇبىرلى دودا قازاق سپورتشىسى العاش رەت جۇلدەگە ءىلىنىپ وتىر.
