جەدەل قىزمەتتەر قاتتى قالدىقتار پوليگونىنداعى ءورتتى ءسوندىرىپ جانە وقشاۋلاپ، ونىڭ اۋماقتان تىس جەرلەرگە تارالۋىنا جول بەرگەن جوق.
ءتىلسىز جاۋدى اۋىزدىقتاۋعا اتىراۋ وبلىسى توتەنشە جاعدايلار دەپارتامەنتى مەن “ارناۋلىاۆتوبازا” جشس-ىنەن بارلىعى 35 تەحنيكا جانە 65 ادام جۇمىلدىرىلدى. ءورتتىڭ جالپى اۋماعى 2500 شارشى مەتر شاماسىندا.
قازىرگى ۋاقىتتا اۋماقتا ءورتتىڭ قايتا تۇتانۋىنىڭ الدىن الۋ ماقساتىندا قوسىمشا مونيتورينگ جۇمىستارى ءجۇرىپ جاتىر. تۇرعىندارعا، الەۋمەتتىك جانە ينجەنەرلىك ينفراقۇرىلىم نىساندارىنا قاۋىپ جوق.
وبلىستا قاتتى تۇرمىستىق قالدىقتارمەن جۇمىس جۇيەسىن جاڭارتۋ باعىتىندا كەشەندى باعدارلاما ىسكە اسىرىلۋدا. بۇگىندە 50 گەكتار اۋماقتا جاڭا پوليگون سالۋ جانە قولدانىستاعى پوليگوندى رەكۋلتيۆاتسيالاۋ بويىنشا مەردىگەر ۇيىمدار انىقتالدى.
ۇقساس جاڭالىقتار
